1 Emakhosi 20:15 - Siswati 1996 Bible

¹⁵ Ngako Ahabi wabita tonkhe tindvuna letincane letingaphansi kwetindvuna tetifundza, taba ngemadvodza langema-232, asawonkhe. Wahlanganisa lamanye ema-Israyeli, wona aba ti-7 000 asawonkhe.

1 Emakhosi 20:15 ပူးပေါင်းရင်းမြစ်များ

1 Emakhosi 19:18

Bantfu baka-Israyeli labati-7 000 ngiyakubashiya baphila: bonkhe labangazange baguce embikwaBhali nabo bonkhe labangazange bange Bhali ngemilomo yabo.”

1 Emakhosi 20:14

Ahabi wabuta watsi: “Kodvwa ngubani lotakwenta loko?” Lomphrofethi waphendvula watsi: “Simakadze utsi: ‘Loko kutakwentiwa tindvuna letincane letingaphansi kwetindvuna tetifundza.’ ” Ahabi wabuta watsi: “Ngubani lotawucala kucala kuhlasela?” Lomphrofethi waphendvula watsi: “Nguwe.”

1 Emakhosi 20:16

Baphuma emini kuyawuhlasela ngesikhatsi Bheni Hadadi nalamakhosi langema-32 labemsita, baselibele kutinklinkla ngetjwala emathendeni abo.

2 Emakhosi 13:7

Kwase kute lokwase kusele emabutfweni akaJehoyahazi ngaphandle kwebagibeli bemahhashi lababengema-50, netincola temphi letilishumi, nemasotja labeshuca ngetinyawo labeti-10 000. Inkhosi yemaSiriya yayiwabhubhise onkhe lamanye, yawenta aba njengelutfuli lwanakubhulwako.

2 Tikhronike 14:11

Asa wakhala kuSimakadze Nkulunkulu wakhe, watsi: “Hawu, Simakadze, kute lofanana nawe ngekusita lote emandla umvikele kulonemandla. Sisite, Simakadze Nkulunkulu wetfu, ngobe setsembele kuwe, futsi site kutekulwa nalemphi lenkhulu kangaka, ngobe setsembele ebitweni lakho. Awu, Simakadze, wena unguNkulunkulu wetfu; ungavumeli muntfu kutsi akuncobe.”

Tihlabelelo 33:16

Kute inkhosi lencoba sitsa ngobe inemabutfo lamanyenti, nesichwaga asincobi ngebunyenti bemandla aso.

Tikhulu 7:16

Wahlela lamadvodza langema-300, wawenta emabutfo lamatsatfu. Onkhe lamadvodza wawanika emacilongo nemajeke labengenalutfo, kanye netidlwane lebetisekhatsi emajekeni, watsi ngulowo nalowo akakubambe ngetandla.

Tikhulu 7:7

Simakadze wakhuluma kuGideyoni, watsi: “Ngalamadvodza langema-300 lanatse ngekucapha ngitanisindzisa, nginikele emaMidiyani etandleni takho. Hambisa onkhe lawa lamanye emadvodza, ngulowo nalowo abuyele kubo.”

1 Samuweli 14:2

Sawula abehleti emaphetselweni aseGibeya ngaphansi kwesihlahla semahananandza eMigroni. Abenemadvodza labengaba ngema-600,

1 Samuweli 14:6

Jonathani wakhuluma kuloludzibi lwakhe, watsi: “Kota sambe, siye kulenkambu lapho kumise khona labantfu labangakasoki. Mhlawumbe Simakadze utawuba ngakitsi. Kute lokungavimba Simakadze kutsi asimelele. Kute lokungaphatamisa Simakadze kutsi asisindzise ngebantfu labanyenti nome ngebantfu labambalwa.”