1 Emakhosi 2:40 - Siswati 1996 Bible

⁴⁰ Watsi kube akuve loko, wekhweta sihlalo embongolweni yakhe wagibela kuyo waya ku-Akhishi eGathi, kuyawufuna letigcili takhe. Ngako Shimeyi waya eGathi, walandza letigcili takhe wabuya nato.

1 Emakhosi 2:40 ပူးပေါင်းရင်းမြစ်များ

Genesisi 22:3

Ngakusasa ekuseni ngeluvivi, Abrahama wavuka, wabophela imbongolo yakhe, watsatsa tisebenti takhe taba timbili kanye nendvodzana yakhe Isaka. Wakabha tinkhuni temhlatjelo labetawufike awushise, besuka bahamba baya kuleyo ndzawo Nkulunkulu labemlayele yona.

1 Emakhosi 2:39

Kodvwa emvakweminyaka lemitsatfu, tigcili takhe letibili teca tabalekela kumsa waMakha, longu-Akhishi, inkhosi yaseGathi. Shimeyi watjelwa kwatsiwa: “Tigcili takho tiseGathi.”

1 Emakhosi 2:41

Kwatsi kube Solomoni abikelwe kutsi Shimeyi sewusukile eJerusalema waya eGathi, nekutsi sewubuyile,

Taga 15:27

Umuntfu lofuna inzuzo ngendlela lembi uletsa kuhlupheka ekhaya lakhe; kodvwa umuntfu lotondza kudizelwa uyawuphila.

Lukha 12:15

Watsi kubo: “Caphelani, nikubalekele konkhe kufisa lokubi; ngobe imphilo yemuntfu ayinconotiswa bunjinga bakhe.”

1 kuThimothi 6:10

Phela kutsandza imali kuyimphandze yako konkhe lokubi; labanye-ke ngekuyifisa kwabo bedukile, bakhwesha ekukholweni, batigwaza ngeminjunju yebuhlungu leminyenti.