1 Emakhosi 2:29 - Siswati 1996 Bible

²⁹ Inkhosi Solomoni yeva kutsi Jowabe abesabalekele ethendeni laSimakadze, wafike wankonkoshela lilati. Ngako Solomoni watfumela Bhenaya, umsa waJehoyada, watsi kuye: “Hamba, ufike umbulale!”

1 Emakhosi 2:29 ပူးပေါင်းရင်းမြစ်များ

2 Samuweli 8:18

Bhenaya, umsa waJehoyada, abephetse emaKherethi nemaPhelethi, emadvodzana aDavide wona abeliqoqo.

1 Emakhosi 2:25

Ngako inkhosi Solomoni yatfumela Bhenaya, umsa waJehoyada, waya ku-Adoniya, wafike wambulala.

1 Emakhosi 2:30

Ngako Bhenaya wangena ethendeni laSimakadze, wafike watsi kuye: “Inkhosi itsi: ‘Phuma!’ ” Kodvwa waphendvula watsi: “Cha, ngitawufela lapha.” Bhenaya wahamba wayawubika enkhosini, watsi: “Jowabe ungiphendvule kanjena.”

1 Emakhosi 2:31

Inkhosi yatfumela Bhenaya yatsi: “Yenta njengobe asho. Mbulale, bese uyamngcwaba, khona kungetiwuba khona nome munye endlini yababe loyawuba nelicala lengati lengenacala ngalabantfu lababulawa nguJowabe.

1 Emakhosi 2:46

Inkhosi yase itfuma Bhenaya, umsa waJehoyada, waphumela ngephandle wafike wagadla kuShimeyi wamlahla phansi; wafa. Umbuso wonkhe wasima ngalokuphelele etandleni taSolomoni.

Eksodusi 21:14

Kodvwa nangabe umuntfu ahlasele lomunye umuntfu wambulala ngemabomu, nome asabaleke wayawukhosela elatini lami, nibomsusa kulo nimbulale.

Taga 28:17

Umuntfu nakanelicala lekubulala, myekele abaleke aze afe.

Hezekeli 9:6

Bulalani nicedze emadvodza lamadzala, nemajaha, netintfombi, nebafati, nebantfwana, kodvwa ningatsintsi namunye loneluphawu. Calani endlini yami lengcwele.” Ngako bacala ngebaholi lababesembikwelithempeli.

1 yaPhetro 4:17

Ngobe sesifikile sikhatsi sekwehlulela kutsi kucale kubendlu yaNkulunkulu; kepha nakucala kitsi, pho, siyawuba njani siphetfo salabo labangalaleli liVangeli laNkulunkulu?