1 Emakhosi 2:26 - Siswati 1996 Bible

²⁶ Inkhosi Solomoni yakhuluma ku-Abiyatha, umphristi, yatsi: “Ncandzeka, ubuyele ekhaya kini e-Anathothi. Kufanele ufe, kodvwa ngingeke ngikubulale nyalo, ngobe wetfwala libhokisi lesivumelwane saSimakadze Somandla embikwababe, Davide, wabambisana nababe kuto tonkhe tinkinga takhe.”

1 Emakhosi 2:26 ပူးပေါင်းရင်းမြစ်များ

2 Samuweli 12:5

Davide watfukutsela wabila, atfukutselela lendvodza, waze wakhuluma kuNathani watsi: “Ngifunga kuphila kwaSimakadze, ngitsi, lomuntfu lowente intfo lenjena kufanele afe nekufa!

1 Emakhosi 1:25

Lamuhla nje Adoniya sewehlile wayakwenta umhlatjelo ngetinkhomo letinyenti, nangematfole lakhuluphalisiwe, nangetimvu letinyenti. Umeme bonkhe bantfwabenkhosi, netindvuna temphi, na-Abiyatha, umphristi. Manje nje bayadla banatsa naye, batsi: ‘Lunwele loludze! Nkhosi Adoniya!’

1 Emakhosi 1:7

Adoniya wakhuluma naboJowabe, unina labenguSeruya, kanye na-Abiyatha, umphristi; nabo bamsekela.

1 Emakhosi 2:35

Inkhosi yabeka Bhenaya, umsa waJehoyada, kutsi aphatse umbutfo esikhundleni saJowabe, kwase kutsi esikhundleni sa-Abiyatha wabeka Sadoki, umphristi.

Isaya 10:30

Khala, Ndvodzakati yaseGalimu! Lalela, nawe Layisha! Nine base-Anathothi labahluphekile.

Jeremiya 1:1

Emavi aJeremiya, umsa waHilkiya, lomunye webaphristi base-Anathothi, eveni lakaBhenjamini.

Matewu 10:42

Ngulowo nalowo loyawunatsisa abe munye kulaba labancane nome yinye nje inkomishi yemanti, ngobe angumfundzi wami, ngicinisile, ngitsi kini: Ngeke alahlekelwe ngumvuzo wakhe.”

Lukha 22:28

“Nine senibeketele kanye nami kuko konkhe kulingwa kwami;

KubaseGalathiya 3:4

Ngabe kambe letintfo letinyenti kangaka lesenitibonile tilite yini? Phela loko kungasho kutsi tilite.

Joshuwa 21:18

ne-Anathothi, ne-Almoni, akanye nemadlelo awo; kwaba ngemadolobha lamane.

1 Samuweli 2:32

Uyawuva buhlungu kabi, utibuke ngeliso lemona tonkhe tibusiso lengiyakutehlisela leti letinye tive tema-Israyeli, kodvwa indlu yeyihlo seyiyawubate lichegu kokuphela.

1 Samuweli 26:16

Loko lokwentile akukuhle. Ngifunga ngekuphila kwaSimakadze ngitsi, wena nemabutfo akho kufanele nife, ngobe nehlulekile kuciza inkhosi yenu, lekungulogcotjiwe waSimakadze. Ase nibuke eceleni kwenu. Siphi nje sikhali senkhosi kanye nelichaga lemanti bekulapho eceleni kwenhloko yayo?”