1 Emakhosi 2:24 - Siswati 1996 Bible

²⁴ Ngifunga kuphila kwaSimakadze longuyena angimise esihlalweni sebukhosi sababe Davide, setsembiso sakhe usigcinile, wase ungipha umbuso mine kanye netitukulwane tami. Yebo, ngifunga kuphila kwaSimakadze kutsi Adoniya utakufa lamuhla loku!”

1 Emakhosi 2:24 ပူးပေါင်းရင်းမြစ်များ

2 Samuweli 12:10

Ngako-ke inkemba ingeke iphindze isuke endlini yakho, ngobe wedzelele mine ngekutsatsa umka-Uriya, umHethi, umente umkakho.’

2 Samuweli 7:27

“Awu, Simakadze longuSomandla, Nkulunkulu wema-Israyeli, ukwembulile loku encekwini yakho, watsi: ‘Ngiyakwakhela indlu.’ Ngako inceku yakho ikhutsatekile kutsi inikele ngalomkhuleko kuwe.

1 Emakhosi 1:29

Inkhosi yenta sifungo yatsi: “Ngifunga kuphila kwaSimakadze, longikhulule kuto tonkhe tinhlupheko tami,

1 Emakhosi 1:46

Ngetulu kwaloko Solomoni sewutsetse indzawo yakhe esihlalweni sebukhosi;

1 Emakhosi 1:52

Solomoni waphendvula, watsi: “Nangabe phela atibonakalisa ayindvodza leyetsembekile, ngisho nelunwele lunye lwenhloko yakhe lungeke luwele phansi; kodvwa nakutfolakala lokubi kuye, utakufa.”

1 Emakhosi 10:9

Akadvunyiswe Simakadze Nkulunkulu wakho, lokujabulele wakubeka esihlalweni sebukhosi baka-Israyeli. Ngenca yelutsandvo lwaSimakadze lwaphakadze lanalo nga-Israyeli, ukwente waba yinkhosi, kutsi utewubusa ngekungakhetsi nangekulunga.”

1 Tikhronike 17:10

njengobe benta seloku ngacala kubeka baholi etikwesive sami, ema-Israyeli. Ngitakupha kutsi ubuse etikwato tonkhe titsa takho. “ ‘Ngikhipha livi kuwe lekutsi Simakadze yena matfupha utakwakhela wena indlu.

1 Tikhronike 17:17

Kwaba shangatsi konkhe loku bekungakeneli kuwe. Awu, Nkulunkulu! Manje sewukhulume ngisho nangelikusasa lendlu yenceku yakho. Yebo, Simakadze Nkulunkulu, ungibheke kwaba shangatsi ngiphakeme kakhulu kunabo bonkhe bantfu.

1 Tikhronike 17:23

“Manje-ke, Simakadze, sale usigcina setsembiso sakho losentile macondzana nenceku yakho kanye nendlu yayo sime phakadze naphakadze. Yenta njengobe wetsembisile,

1 Tikhronike 22:10

Nguye-ke loyakwakha indlu, akhele Libito lami. Uyawuba yindvodzana yami, mine ngibe nguyise. Ngiyawumisa kahle umbuso wakhe, ngiwutintise ka-Israyeli kuze kube phakadze.’

1 Tikhronike 29:23

Ngako Solomoni wahlala esihlalweni sebukhosi saSimakadze waba yinkhosi esikhundleni seyise Davide. Wachuma, nema-Israyeli onkhe amhlonipha.

Tihlabelelo 127:1

Indlu nayingakhiwa nguNkulunkulu, basebentela lite labo labayakhako. Lidolobha nalingagadvwa nguNkulunkulu, basebentela lite labo labaligadzako.

Eksodusi 1:21

Njengobe lababelekisi bamesaba Nkulunkulu, yena wabapha imiti.

Taga 20:2

Kutfukutsela kwenkhosi kufanana nekubhodla kwelibhubesi, lowo loyitfukutselisako ulengisela imphilo yakhe ekufeni.

1 Samuweli 25:28

Ngicela inceku yakho uyitsetselele ngalesono lesentile, ngobe Simakadze utakwenta ube yinkhosi wena kanye netitukulwane takho, ngobe ulwa timphi takhe. Shangatsi kungabate lokubi lokutfolakala kuwe, yingci nawusaphila.