1 Emakhosi 2:22 - Siswati 1996 Bible

²² Inkhosi Solomoni yaphendvula unina yatsi: “Umcelelani Abishagi, waseShunemu, kutsi abe ngumka-Adoniya? Ungamane sale umcelela bukhosi. Empeleni ungumnaketfu lomdzala, kantsi futsi na-Abiyatha, umphristi, kanye naJowabe, umsa waSeruya, bangakuye!”

1 Emakhosi 2:22 ပူးပေါင်းရင်းမြစ်များ

2 Samuweli 12:8

Ngakupha indlu yenkhosi yakho kanye nebafati benkhosi yakho kutsi babe bakho. Ngakupha indlu yaka-Israyeli neyakaJuda. Kube konkhe loku bekukuncane kakhulu kuwe, ngabe ngikwengetele ngakunika lokunye ngetulu.

2 Samuweli 16:21

Ahithofeli waphendvula watsi: “Lala nalamaphovela eyihlo lawashiyela kutsi asale acize lesigodlo, khona atekwati onkhe ema-Israyeli kutsi sewutente sitsa seyihlo, nebalandzeli bakho batawukhutsateka ngaloko.”

1 Emakhosi 1:11

Ngako Nathani wabuta Bhatisheba, unina waSolomoni, watsi: “Awukeva yini kutsi Adoniya, lotalwa nguHagithi, sewutibeke inkhosi, inkhosi yetfu Davide ingati.

1 Emakhosi 2:15

Watsi: “Njengobe wati, umbuso bekungewami. Israyeli wonkhe abesabheke kimi kutsi ngiyinkhosi yakhe. Kodvwa tintfo tajika, umbuso watsatfwa ngumnaketfu, ngobe lowo mbuso yena uwunikwe nguSimakadze.

1 Tikhronike 3:2

yesitsatfu bekungu-Absalomu labetalwa nguMakha, indvodzakati yaThalmayi, inkhosi yaseGeshuri; yesine bekungu-Adoniya, labetalwa nguHagithi;

1 Tikhronike 3:5

watalelwa emadvodzana lamanyenti lapho. Umkakhe Bhatisheba, indvodzakati ya-Amiyeli, wamtalela emadvodzana lamane, lekwakuboShamuwa, naShobabi, naNathani kanye naSolomoni.

Matewu 20:22

Jesu waphendvula watsi: “Anikwati lenikucelako. Ningayinatsa yini lendzebe yelusizi lesengitayinatsa?” Baphendvula batsi: “Singayinatsa.”

Makho 10:38

Kodvwa Jesu watsi kubo: “Anikwati lenikucelako. Nitakumela yini kuyinatsa lendzebe yelusizi lengitayinatsa nome kubhajatiswa ngalombhabhatiso lengitawubhajatiswa ngawo mine?”

YaJakobe 4:3

Niyacela ningaphiwa, ngobe nicela kabi, nicelela kutsi nikucitse etinkhanukweni tenu.