1 Emakhosi 19:19 - Siswati 1996 Bible

¹⁹ Ngako Elija wesuka lapho wahamba wakhandza Elisha, umsa waShafati, alima ngesipani setinkhabi letatingema-24, yena abekuleti letimbili tekugcina. Elija waya kuye, wafike wamembesa ngalengubo yakhe.

1 Emakhosi 19:19 ပူးပေါင်းရင်းမြစ်များ

2 Emakhosi 2:8

Elija watsatsa sembatfo sakhe wasigocota, wabe sewushaya ngaso lamanti. Emanti ehlukana ekhatsi, aya ngesekudla nangesancele, lamadvodza lamabili ewela ahamba emhlabatsini lowomile.

1 Samuweli 28:14

Sawula wasibuta watsi: “Unjani?” Lesangoma samphendvula satsi: “Likhehla lelidzala lelembetse umjiva, liyakhuphuka.” Ngako Sawula wavele wati kutsi nguSamuweli; wakhotsama wawa phansi ngebuso.

Zakhariya 13:5

Uyakutsi: ‘Angisiye umphrofethi, ngingumlimi; kusukela ebusheni bami seloku ngisebentana nemhlaba.’

1 Emakhosi 19:13

Watsi kube Elija alive, wambonya buso bakhe ngengubo yakhe, waphuma wayakuma ekungeneni kwemgedze. Lelivi lalikhuluma kuye, latsi: “Wentani lapha, Elija?”

Tikhulu 6:11

Ingilosi yaSimakadze yeta yefika yahlala ngephansi kwesihlahla se-okhi e-Ofra leyayiyaJowashi, labewesive saka-Abiyezeri, lapho umsa wakhe, Gideyoni, abebhula khona kolo etjeni lekuhluta liwayini entela kutsi emaMidiyani angamtfoli.

Eksodusi 3:1

Kwatsi ngalelinye lilanga Mosi eluse umhlambi wetimvu netimbuti teyisetala, Jethro, labengumphristi wakaMidiyani, asachuba lomhlambi weyisetala ayakuwelusela ngesheya kwelihlane, wadzimate wefika eHorebe, intsaba yaNkulunkulu.

Amose 7:14

Amose waphendvula Amasiya, watsi: “Angizange sengibe ngumphrofethi mine, ngisho nekuba ngumsa wemphrofethi nje. Kodvwa bengingumelusi nje, nanyalo ngisengumlimi wetihlahla temakhiwa.

KumaHebheru 11:37

Bagcotjwa ngematje, [bavivinywa] bancunywa ngemasaha, babulawa ngenkemba, bazulazula bembetse tikhumba tetimvu netetimbuti, beswela, bahlushwa, baphatfwa kabi.

1 Samuweli 11:5

Ngaleso sikhatsi Sawula abebuya emasimini, achuba tinkhabi takhe, wabuta watsi: “Kwente njani esiveni? Sive sikhalelani?” Base bamlandzisa ngako konkhe lokwakushiwo ngemadvodza aseJabeshi.

1 Emakhosi 19:16

Ubogcoba naJehu, umsa waNimshi, kutsi abe yinkhosi yaka-Israyeli, ugcobe na-Elisha, umsa waShafati, wase-Abela Mehola, kutsi kube nguye lotawuba ngumphrofethi emvakwakho.

Amose 7:15

Kodvwa Simakadze wangitsatsa ekweluseni kwami timvu, watsi kimi: ‘Hamba uyewuphrofetha esiveni sami, ema-Israyeli.’