1 Emakhosi 18:43 - Siswati 1996 Bible

⁴³ Wakhuluma encekwini yakhe, watsi: “Hamba uyewubuka ngaselwandle.” Lenceku yahamba yayawubuka, yabuya yatsi: “Akunalutfo lapho.” Elija wakhuluma kulenceku emahlandla lasikhombisa solomane atsi: “Ncandzeka.”

1 Emakhosi 18:43 ပူးပေါင်းရင်းမြစ်များ

Genesisi 32:26

Lendvodza yatsi: “Ngiyekele ngihambe, ngobe sekuyasa.” Jakobe watsi: “Ngingeke ngikuyekele uhambe ungakangibusisi.”

1 Emakhosi 18:42

Ngako Ahabi wahamba wayakudla wanatsa, kodvwa Elija wekhwela etulu esicongweni seNtsaba iKhameli, wagobondzela, wafaka buso bakhe emkhatsini wemadvolo akhe.

1 Emakhosi 18:44

Kuloku kwesikhombisa lenceku yabuya yabika yatsi: “Ngibone lifu lelincane lelingangesandla semuntfu bukhulu balo, liphuma elwandle.” Ngako Elija wakhuluma watsi: “Hamba uyewutjela Ahabi kutsi akaphutfume agibele ahambe imvula isengakamvimbeteli.”

2 Emakhosi 4:35

Elisha wesuka lapho wahambahamba lapha ekamelweni, waphindze wabhabhalala etikwalomfana. Lomfana watsimula kasikhombisa, wase uvula emehlo.

Tihlabelelo 5:3

Simakadze, nakudzabuka kusa, uyaliva livi lami; nakudzabuka kusa, ngihlela ticelo tami kuwe, bese ngiyema ngilindzela wena.

Habakhuki 2:3

Ngobe lesembulo silindzele sikhatsi lesimisiwe; sikhuluma ngesiphetfo lesiphutfumako, futsi ngeke sibonakale singemanga. Nome sephutisa nje, silindzele, sona sitawufika nome kanjani, futsi ngeke sephute.

Lukha 18:1

Jesu wase ubatjela lomfanekiso abafundzisa kutsi kufanele bathandaze sonkhe sikhatsi bangadzinwa.

Lukha 18:7

Pho, Nkulunkulu utakwehlulwa yini kubevela labakhetsiwe bakhe, labakhala kuye imini nebusuku bacela lusito? Uyawubina yini ekubasiteni?

Kubase-Efesu 6:18

Khulekani ngaso sonkhe sikhatsi nikuMoya ngekukhuleka konkhe nekuncenga. Nilindzele ngesineke sonkhe, nangekuncusela labangcwele bonkhe.

Joshuwa 6:4

Uboba nebaphristi labasikhombisa labaphetse emacilongo lasikhombisa lentiwe ngetimphondvo temvu; babohamba embikwalelibhokisi lesivumelwane. Ngelilanga lesikhombisa lelidolobha nibolitungeleta emahlandla lasikhombisa, baphristi bona bashaye lamacilongo.