1 Emakhosi 18:32 - Siswati 1996 Bible

³² Ngalamatje wakha lilati egameni laSimakadze, wemba umsele lowawulitungeleta, waba mkhulu kangangekutsi bekungangena emanti langemalitha labengaba li-15.

1 Emakhosi 18:32 ပူးပေါင်းရင်းမြစ်များ

Genesisi 12:7

Simakadze wabonakala ku-Abrama, watsi: “Lelive ngiyawulinika titukulwane takho.” Abrama wakhela Simakadze lilati, ngobe abebonakele lapho kuye.

1 Emakhosi 18:33

Wabeka letinkhuni etikwalo, wacoba lenkunzi wayibeka etikwaletinkhuni. Wabe sewukhuluma kubo utsi: “Gcwalisani timbita letine ngemanti, bese niwatsela etikwalomnikelo kanye naletinkhuni.”

1 Emakhosi 18:35

Emanti ageleta atungeleta lilati, aze agcwala lomsele.

1 kubaseKorinthe 10:31

Imphendvulo yami itsi: Nome niyadla, nome niyanatsa, nome nentani-ke lokunye, konkhe akwentelwe ludvumo lwaNkulunkulu.

KubaseKholose 3:17

Konkhe lenikwentako kwenteni ngelibito leNkhosi Jesu, nome ngelivi, nome ngemisebenti, nibonge Nkulunkulu uYise ngaye.

Tikhulu 21:4

Ekuseni ngakusasa bantfu bavuka bakha lilati, betfula khona iminikelo yekushiswa neminikelo yekuthula.

Tikhulu 6:24

Ngako Gideyoni wakhela Simakadze lilati khona lapho, waletsa libito watsi: “Simakadze ukuthula.” Ngisho nalamuhla loku lisemile e-Ofra yesive saka-Abiyezeri.

Tikhulu 6:26

bese wakha lilati sibili laSimakadze Nkulunkulu wakho esicongweni salendvundvuma. Sebentisa tinkhuni tensika ya-Ashera loyijubile ibe tinkhuni ekunikeleni inkunzi yesibili kutsi ibe ngumnikelo wekushiswa.”

1 Samuweli 7:17

Kodvwa sonkhe sikhatsi abencandzeka abuyele eRama, lapho likhaya lakhe lalikhona khona, nakhona lapho abehlulela ema-Israyeli. Wakha lilati laSimakadze khona lapho eRama.

1 Samuweli 7:9

Samuweli watsatsa lizinyane lelimunyako wanikela ngalo, laba ngumhlatjelo wekushiswa samuku kuSimakadze. Wakhala kuSimakadze, akhalela ema-Israyeli, Simakadze wamphendvula.