1 Emakhosi 18:28 - Siswati 1996 Bible

²⁸ Ngako baphrofethi bathandaza bamemeta kakhulu, batisika ngemikhwa nangetinkemba njengekwelisiko labo, baze bopha ingati.

1 Emakhosi 18:28 ပူးပေါင်းရင်းမြစ်များ

1 Emakhosi 18:27

Emini Elija wacala wabaphukuta atsi: “Memetani kakhulu! Impela ungunkulunkulu. Mhlawumbe ujulile uyacabanga, nome uyasebenta, nome useluhambeni. Mhlawumbe ulele, ngako kufanele avuswe.”

Isaya 44:17

Kulesigodvo lesisele ubata nkulunkulu, lekusithico sakhe, akhotsame kuso, asikhonte. Uthandaza kuso atsi: “Ngisindzise; wena ungunkulunkulu wami.”

Jeremiya 47:5

IGaza iyawuhhula inhloko yayo ilile, i-Ashkeloni yona iyawuvalwa umlomo, ibhubhe. Awu, nsali yasetsafeni, niyawutikhipha umkhuphulwane kuze kube ngunini?

Levithikusi 19:28

Ningatigati imitimba yenu nentele labafile nome nitibeke timphawu ngekutisika imitimba yenu; nginguSimakadze.

Mikha 6:7

Kungabe Simakadze uyawujabula yini, nangimletsela tinkhulungwane tetimvu nome imifula lengancamuki yemafutsa emncumo? Ngifanele yini kunikela kuye ngelitubulo lami, lekusitselo semtimba wami, kutsi libe yinhlawulo yetono tami?

Zakhariya 13:6

Nangabe abutwa ngumuntfu, atsi: ‘Pho, lamanceba lasemtimbeni wakho ngewani?’ uyawuphendvula atsi: ‘Lamanceba ngawatfola endlini yebangani bami.’ ”

Makho 5:5

Busuku nemini beyikhala impongoloze etintsabeni nasemathuneni, itihhwebhe ngematje.

Makho 9:22

Belihle limjika nasemlilweni, nasemantini, lifuna kumbulala. Kodvwa nakukhona longakwenta, mane usihawukele usisite.”

Dutheronomi 14:1

“Nine nibantfwana baSimakadze Nkulunkulu wenu. Ningatisiki nome nihhule lingembili letinhloko tenu ngenca yalabafile,