1 Emakhosi 18:19 - Siswati 1996 Bible

¹⁹ Bita sonkhe sive eveni lonkhe laka-Israyeli kuyewuhlanganelwa eNtsabeni iKhameli. Letsa labaphrofethi baBhali labangema-450 kanye nebaphrofethi ba-Ashera labangema-400, labadla naJezebeli etafuleni lakhe.”

1 Emakhosi 18:19 ပူးပေါင်းရင်းမြစ်များ

1 Emakhosi 15:13

Wadzimate wehlisa ngisho nagogo wakhe Makha esikhundleni sakhe sekuba yindlovukazi, ngobe abakhe insika ya-Ashera leyayisinengiso. Asa wagawula lensika ya-Ashera wayishisela eSigodzini saseKhidroni.

1 Emakhosi 16:33

Ahabi wemisa nensika ya-Ashera, achubeka nekucunula Simakadze Nkulunkulu wema-Israyeli kutsi atfukutsele; wawengca onkhe emakhosi aka-Israyeli labengembili kwakhe ngekwenta lokubi.

1 Emakhosi 18:20

Ngako Ahabi watfumela livi kulo lonkhe laka-Israyeli, wahlanganisa baphrofethi eNtsabeni iKhameli.

1 Emakhosi 18:22

Elija wakhuluma kubo watsi: “Ngimi ngedvwa losele emkhatsini webaphrofethi baSimakadze, kodvwa Bhali unebaphrofethi labangema-450.

1 Emakhosi 22:6

Ngako inkhosi yaka-Israyeli yase ibutsela ndzawonye baphrofethi lababengaba ngema-400, emadvodza odvwa, yababuta yatsi: “Ngingaya yini kuyawuhlasela iRamothi Gileyadi, nome ngiyekele?” Baphendvula batsi: “Hamba, ngobe Simakadze utayinikela etandleni tenkhosi.”

2 Emakhosi 10:19

Manje-ke butsani bonkhe baphrofethi baBhali, nalabamkhontako, kanye nebaphristi bakhe, nibone kungasali ngisho namunye wabo, ngobe ngitakwenta lomkhulu umhlatjelo waBhali. Lowo loyawusala akayiwuchubeka aphila kuleli.” Kodvwa abebayenga nje, entela kubulala lababekhonta Bhali.

2 Emakhosi 13:6

Kodvwa abazange baphendvuke etonweni tendlu yakaJerobowamu, labedvonsele ngato sive saka-Israyeli ekoneni; bachubeka bona ngato. Insika ya-Ashera yachubeka yema eSamariya.

2 Emakhosi 2:25

Elisha wachubeka waya eNtsabeni iKhameli; wesuka lapho wancandzeka wabuyela eSamariya.

2 Emakhosi 3:13

Elisha wakhuluma enkhosini yaka-Israyeli, watsi: “Sihlangene ngani nje tsine nawe? Hamba uye kubaphrofethi beyihlo nakubaphrofethi benyoko uyewubuta kubo.” Inkhosi yaka-Israyeli yaphendvula, yatsi: “Cha, kungobe nguSimakadze lobitele tsine, makhosi lamatsatfu, ndzawonye, kuze asinikele esandleni saMowabi.”

2 Emakhosi 9:22

Watsi Joramu kube abone Jehu, wambuta watsi: “Ute ngekuthula yini, Jehu?” Jehu waphendvula watsi: “Kuthula kungaba khona kanjani, nangabe solomane kusekhona tithico nebutsakatsi benyoko Jezebeli?”

Nehemiya 5:17

Ngetulu kwaloko etafuleni lami ngangidla nemaJuda nebaholi bawo lababeli-150, kanye nebantfu lababeta baphuma kuletive letibomakhelwane.

Ingoma Yetingoma 7:6

Maye, umuhle, kantsi futsi uyajabulisa, awu, sitsandvwa, ngebuhle bakho!

Jeremiya 23:13

“Emkhatsini webaphrofethi baseSamariya ngayibona lentfo leyenyanyekako: Babephrofetha egameni laBhali, bedukisa bantfu bami ema-Israyeli.

Jeremiya 46:18

“Ngifunga kuphila kwami,” kusho iNkhosi, lelibito layo kunguSimakadze longuSomandla, “kuyawufika lowo lonemandla njengeThabori emkhatsini wetintsaba, nanjengeKhameli ngaselwandle.

Amose 1:2

Amose wakhuluma watsi: “Simakadze uyabhodla eSiyoni, yebo, Simakadze uyabhavumula aseJerusalema, emadlelo ebelusi ayoma, nesicongo sentsaba iKhameli siyabuna.”

Amose 9:3

Nome bangatifihla esicongweni sentsaba iKhameli, nakhona lapho ngiyawubatingela ngize ngibabambe. Nome bangangibhacela ekujuleni kwelwandle, nakhona lapho ngiyawutfumela inyoka ibalume.

Joshuwa 19:26

ne-Alameleki, ne-Amadi, neMishali. Ngasenshonalanga lomnyele wawugudla iKhameli neShihori Libnathi.

2 yaPhetro 2:1

Nakadzeni babevele bakhona baphrofethi bemanga emkhatsini wesive, kanjalo-ke nalapha emkhatsini wenu batawuvela baphrofethi bemanga, labatawungenisa timfundziso temanga letibhubhisako, baphike uMbusi lowabatsenga, ngaloko-ke batawube batidvonsela kubhujiswa lokusheshisako.

Sembulo 19:20

Kodvwa lesilo satfunjwa, kanye nemphrofethi wemanga labenta tibonakaliso tekudukisa labo labaneluphawu lwesilo nalabasikhonta ngekukhotsamela lomfanekiso waso. Bobabili bajikijelwa baphila echibini lemlilo lelivutsa sibabule.

Sembulo 2:20

Kodvwa tsine nawe sehlukana la ekutseni wena uyamvumela lomfati longuJezebeli, lotibita ngekutsi ungumphrofethikati, edukise tinceku tami ngekutifundzisa buphingi, nebugwadla, nekudla kudla lokuhlatjelwe tithico.

1 Samuweli 15:12

Ekuseni ngeluvivi Samuweli wavuka wahamba wayawuhlangabeta Sawula, kodvwa watjelwa kwatsiwa: “Sawula uye eKhameli, lapho efike watimisela litje lesikhumbuto ngaye, wase uyajika ubuyela entansi eGilgali.”