1 Emakhosi 18:15 - Siswati 1996 Bible

¹⁵ Kodvwa Elija wakhuluma kuye, watsi: “Mine ngifunga kuphila kwaSimakadze Somandla lengimkhontako kutsi ngitatinikela ku-Ahabi lamuhla.”

1 Emakhosi 18:15 ပူးပေါင်းရင်းမြစ်များ

Genesisi 2:1

Ngako-ke kwase kupheleliswe lizulu nemhlaba, nendalo yako konkhe.

1 Emakhosi 17:1

Elija waseThishbe, labewekutalwa eThishbe kulakaGileyadi, wakhuluma ku-Ahabi watsi: “Ngelibito laSimakadze, Nkulunkulu lophilako wema-Israyeli, lengimkhontako, ngiyakutjela ngitsi kungeke kube khona ematolo ngisho nemvula kuleminyaka lembalwa letako, kuze kusho mine.”

1 Emakhosi 18:10

Ngifunga kuphila kwaSimakadze Nkulunkulu wakho kutsi inkhosi yami kute umbuso lapho ingakaze yatfumela khona umuntfu kutsi ayekukufuna. Bekutsi sive nome umbuso nawukulandvula utsi awukho, awufungise kutsi vele ungeke utfolakale lapho kuwo.

1 Emakhosi 18:14

Manje sewungitjela kutsi ngiye enkhosini yami, ngifike ngitsi: ‘Elija sewulapha.’ Ahabi utangibulala.”

1 Emakhosi 18:16

Ngako Obadiya wahamba wayawuhlangabeta Ahabi, wafike wamtjela, na-Ahabi wahamba kuyawuhlangabeta Elija.

1 Emakhosi 22:14

Kodvwa Mikhaya waphendvula watsi: “Ngifunga kuphila kwaSimakadze, ngitamtjela loko lengikutjelwa nguSimakadze kuphela.”

Jobe 25:3

Kukhona yini longabala emabutfo akhe? Kukhona yini lokungafiki kuye kukhanya kwakhe?

Tihlabelelo 103:21

Dvumisani Simakadze, nine mabandla akhe nonkhe, nani tikhonti takhe letenta intsandvo yakhe.

Isaya 6:3

Abememetana odvwana, ngulelo nalelo litsi: “Ungcwele, ungcwele, ungcwele, Simakadze longuSomandla! Umhlaba wonkhe ugcwele bukhosi bakhe.”

Jeremiya 39:17

Kodvwa ngiyakukwephula wena ngalelo langa, ngeke uniketelwe etandleni talabo lobesabako, kusho Simakadze.

Jeremiya 8:2

Ayawukwenekwa elangeni, nasenyangeni, nakuto tonkhe tinkhanyeti tasemazulwini lababekutsandzile, bakusebentela, bakulandzela, bakufuna, bakukhotsamela. Akayiwubutfwa futsi akayiwungcwatjwa, kodvwa ayawuba njengemfucuta yetibi lelahlwe emhlabatsini.

Lukha 1:19

Ingilosi yamphendvula yatsi: “NginguGabhriyeli, loma embikwaNkulunkulu, ngitfunywe kutsi ngikhulume kuwe, ngikutjele lendzaba lemnandzi.

Dutheronomi 1:38

Kodvwa umsiti wakho, Joshuwa, umsa waNuni, utawungena kulo. Mkhutsate, ngobe utawuhola lama-Israyeli kutsi alidle.’

Dutheronomi 4:19

Nicaphele ningatikhonti tinkhanyiso lenitibona esibhakabhakeni njengelilanga, nenyanga, netinkhanyeti. Ningacali niwungeke ngekutikhotsamela nikhonte leto tintfo Simakadze Nkulunkulu wenu latabela tonkhe tive ngephansi kwelizulu.