1 Emakhosi 17:6 - Siswati 1996 Bible

⁶ Emahhwabayi abemletsela sinkhwa nenyama njalo ekuseni nasentsambama, bese unatsa kulowo mfudlana.

1 Emakhosi 17:6 ပူးပေါင်းရင်းမြစ်များ

1 Emakhosi 13:28

Waphuma wahamba, wakhandza leso sidvumbu sidzindzibele endleleni, lembongolo nalelibhubesi kume eceleni kwaso. Lelibhubesi belingakasidli lesidvumbu, kantsi futsi nalembongolo belingakayidzabuli.

1 Emakhosi 17:5

Ngako Elija wenta njengobe Simakadze abemtjelile. Wahamba waya eSihosheni saseKherithi, ngasemphumalanga neJordane, wahlala khona.

1 Emakhosi 17:7

Ngekuhamba kwesikhatsi, lomfudlana woma, ngobe kwase kute imvula eveni.

1 Emakhosi 19:6

Wacalata ndzawo tonkhe, kwatsi lapha ngasenhloko yakhe wabona licebelengwane lesinkhwa litfoswe emalahleni, eceleni kwalo kunendzebe lenemanti. Wadla, wanatsa, waphindze walala futsi.

1 Emakhosi 19:8

Ngako wavuka, wadla, wanatsa; loko kwamnika emandla ekuhamba emalanga langema-40 nebusuku lobungema-40, waze wefika eNtsabeni yaNkulunkulu, eSinayi.

Tihlabelelo 33:18

Empeleni liso laSimakadze likulabo labamesabako, yebo labo labetsemba umusa wakhe,

Tihlabelelo 37:19

Bangeke bajabhiswe ngetikhatsi letimatima, bayawuba nenala ngetikhatsi tendlala.

Tihlabelelo 37:3

Tsemba kuSimakadze, wente lokuhle, uhlale eveni, uve bumnandzi bekudla emadlelweni laluhlata.

Eksodusi 16:35

Ema-Israyeli aphila ngekudla imana iminyaka lengema-40, adzimate efika eveni lelalakhelwe bantfu; adla imana adzimate efika emnyeleni welive laseKhenani.

Isaya 33:16

Ngulowo-ke umuntfu lotawuhlala ekuphakameni, losiphephelo sakhe kutawuba yinqaba yemadvwala. Uyakunikwa sinkhwa sakhe, angawesweli emanti ekunatsa.

Jeremiya 37:21

Inkhosi Sedekiya yase ikhipha umyalo kutsi Jeremiya akabekwe esibuyeni sabogadzi anikwe sinkhwa lesibuya esitaladini sebabhaki onkhe emalanga, size siphele sonkhe sinkhwa edolobheni. Ngako Jeremiya wahlala esibuyeni sabogadzi.

Jeremiya 40:4

Kodvwa lamuhla sengiyakukhulula kuletinketane letisetandleni takho. Wota sambe nawe siye eBhabhulona, nawutsandza, ngitakunakekela. Kodvwa nawungafuni, ungeti. Buka la, lonkhe lelive lisembikwakho, yani lapho utsandza kuya khona.”

Numeri 11:23

Simakadze waphendvula Mosi watsi: “Sandla saSimakadze sifishane yini? Utase ubone-ke kutsi loku lengikushoko kutakwenteka ngempela yini kuwe, nome cha!”

Matewu 19:26

Jesu wababukisisa, wase uyabaphendvula utsi: “Angeke akwente umuntfu loko; kodvwa kuNkulunkulu konkhe kungenteka.”

Lukha 22:35

Wase utsi Jesu kubo: “Mhlazana nginitfuma ngitsi ningaphatsi sipatji, nesikhwama, neticatfulo, nake neswelani?” Baphendvula batsi: “Kute lesakweswela.”

KumaHebheru 6:18

Ngako-ke Nkulunkulu wasebentisa tintfo letimbili langeke agucuke kuto: setsembiso nesifungo. Tsine-ke lesesitfole kuphepha kuye kufanele sibe nekukhutsatela lokukhulu, siphutfume lelitsemba leselibekwe embikwetfu.

Tikhulu 14:14

Wabatjela watsi: “Kulokudlanako kwaphuma lokudliwako; kulokunemandla kwaphuma lokunongotelako.” Kwaze kwaphela emalanga lamatsatfu solomane bangakacombeleli kahle.