1 Emakhosi 17:22 - Siswati 1996 Bible

²² Simakadze wakuva kukhala kwa-Elija, umphefumulo wemfana wabuyela kuye, waphila.

1 Emakhosi 17:22 ပူးပေါင်းရင်းမြစ်များ

1 Emakhosi 17:23

Elija wamtsatsa lomfana wehla naye ekamelweni lelisetulu, wammikisa endlini kabo, wafike wamnika unina, watsi kulonina: “Buka-ke, umfana wakho sewuyaphila.”

2 Emakhosi 13:21

Kwake kwatsi ngalesinye sikhatsi baka-Israyeli, basalibele kungcwaba lenye indvodza, betfuka sekuchamuka libutfo lebahlaseli lita livivile; base bajika lesidvumbu salendvodza ethuneni la-Elisha. Satsi lesidvumbu nasitsintsana nematsambo a-Elisha, sidvumbu savuka saphila, umuntfu wasukuma wema ngetinyawo.

Lukha 7:14

Wahamba Jesu watsintsa loluhlaka lwalunalesidvumbu, bantfu lababelutfwele base bayema. Jesu watsi: “Ngitsi kuwe: Vuka, jaha!”

Lukha 8:54

Kodvwa Jesu wambamba ngesandla watsi kuye: “Ntfombatane! Vuka!”

Johane 11:43

Asakushito loko, wamemeta ngelivi lelikhulu watsi: “Lazaro! Phuma!”

Imisebenti yebaPhostoli 20:12

Balitsatsa lelibhungu balibuyisela ekhaya liphila, bajabula kakhulu.

KubaseRoma 14:9

Ngobe Khristu wafa waphindze waphila, khona atewuba yiNkhosi yalabaphilako nalabafile.

Dutheronomi 32:39

“Bonani-ke manje kutsi Ngimi leNginguye, kute lomunye nkulunkulu ngaphandle kwami. Ngiyisa ekufeni, ngibuyise ekuphileni; ngilimatile ngiyawuphilisa futsi. Kute longakhulula lutfo esandleni sami.

KumaHebheru 11:35

Labasikati bemukeliswa labafile babo bavusiwe. Labanya babetfoswa ngetinhlupho letitinhlobonhlobo bangete bavuma kukhululwa, kuze bemukeliswe lokuncono lokukuvuswa kulabafile.

Sembulo 11:11

Kodvwa emvakwemalanga lamatsatfu nesigamu umoya wekuphila lophuma kuNkulunkulu wangena kubo, basukuma, bema ngetinyawo; bonkhe labakubona loku befikelwa kwesaba lokukhulu.

1 Samuweli 2:6

Simakadze uyabulala, aphindze aphilise. Wehlisela phansi emadlizeni, aphindze akhuphulele ngetulu.