1 Emakhosi 17:16 - Siswati 1996 Bible

¹⁶ Ngobe esitjeni safulaha akazange aphele fulaha, naseludziweni lwemafutsa akazange aphele emafutsa; kwenteka njengobe livi laSimakadze lelalikhulunywe ngu-Elija lishito.

1 Emakhosi 17:16 ပူးပေါင်းရင်းမြစ်များ

1 Emakhosi 13:5

Nalelilati lachekeka ekhatsi, umlotsa walo wacitsekela phansi, kwaya njengaleso sibonakaliso lesasetfulwe ngulomuntfu waNkulunkulu, kwaya njengekwelivi laSimakadze.

1 Emakhosi 16:12

Zimri wabhubhisa yonkhe indlu yakaBhasha, njengekwelivi laSimakadze lelemelana naBhasha lalikhuluma ngemphrofethi Jehu,

1 Emakhosi 17:15

Lomfelokati wahamba wayakwenta njengobe atjelwe ngu-Elija. Ngaleyo ndlela Elija nalomfelokati nemndeni wakhe baba nekudla lokwenele onkhe emalanga.

1 Emakhosi 17:17

Kwatsi ngalelinye lilanga lendvodzana yalomfelokati, labengumnikati walomuti, yagula. Kwachubeka kugula emalanga ngemalanga, kwadzimate kwefika lapho lomfana angasaphefumuli khona.

1 Emakhosi 22:38

Lencola yakhe bayigezela esitibeni lesiseSamariya, lapho kwakugeza khona tingwadla, tefika tinja tacapha ingati ya-Ahabi, njengobe livi laSimakadze lalishito.

2 Emakhosi 1:17

Ngempela, Ahaziya wavele wakhotsama, kwaya njengekwelivi laSimakadze labelikhulume ku-Elija. Njengobe Ahaziya abete indvodzana, Joramu, umnakabo, waba yinkhosi emvakwa-Ahaziya, emnyakeni wesibili wekubusa kwaJehoramu, umsa waJehoshafati, inkhosi yakaJuda.

2 Emakhosi 5:14

Ngako wavele wahamba wafike waticwilisa kasikhombisa emfuleni iJordane, njengobe umuntfu waNkulunkulu abeshito kuye, umtimba wakhe wahlambuluka wabuyela waba musha, waba njengewemfanyana losemncane.

Matewu 19:26

Jesu wababukisisa, wase uyabaphendvula utsi: “Angeke akwente umuntfu loko; kodvwa kuNkulunkulu konkhe kungenteka.”

Matewu 26:7

kwefika umfati kuye aphetse sigujana lesasakhiwe ngelitje lembiza, sigcwele emafutsa langemakha ladule kakhulu, wawatsela enhloko yaJesu, asadla.

Lukha 1:37

Nkulunkulu akehlulwa lutfo.”

Lukha 1:45

Maye! Ubusisiwe lowo lokholwe kutsi tiyawugcwaliseka letintfo letakhulunywa kuye yiNkhosi!”