1 Emakhosi 17:13 - Siswati 1996 Bible

¹³ Kodvwa Elija watsi kuye: “Ungesabi. Hamba wente njengobe ushito, kodvwa ubocala wentele mine kucala licebelengwane lelincane lesinkhwa, kuloko lonako, bese ukuletsa lapha kimi. Emvakwaloko-ke bese utentela wena nendvodzana yakho.

1 Emakhosi 17:13 ပူးပေါင်းရင်းမြစ်များ

Genesisi 26:24

Simakadze wabonakala kuye ngabona lobo busuku, watsi: “NginguNkulunkulu weyihlo Abrahama; ungesabi, ngobe nginawe, ngiyakukubusisa ngandzise titukulwane takho ngenca yenceku yami Abrahama.”

1 Emakhosi 17:12

Lomfelokati waphendvula watsi: “Ngifunga kuphila kwaSimakadze Nkulunkulu wakho, ngitsi: Ngite nasinye sinkhwa. Nginengcosana nje yafulaha esitjeni, nenseketse yemafutsa eludziweni. Bengisasabutela tinkhunyana nje lapha, kutsi ngiye ekhaya ngitiphekele mine kanye nendvodzana yami, kuze sidle, emvakwaloko bese siyafa.”

1 Emakhosi 17:14

Ngobe nguloko lokushiwo nguSimakadze Nkulunkulu wema-Israyeli, utsi: ‘Fulaha losesitjeni angeke aphele, nenseketse yemafutsa ingeke iphele eludziweni, kuze kube lilanga lapho Simakadze ayawunisa khona litulu eveni.’ ”

2 Emakhosi 6:16

Elisha waphendvula, watsi: “Ungesabi. Laba labangakitsi banyenti kakhulu kunalaba labangakubo.”

2 Tikhronike 20:17

Singeke sibe khona sidzingo sekuyilwa lemphi. Tihleleni, nime ngetindzawo tenu; manini nicine nitewubona kusindzisa kwaSimakadze, nine bakaJuda nebaseJerusalema. Ningesabi, futsi ningapheli emandla. Kusasa loku lokusako, phumani niyewubhekana nabo, naSimakadze utawuba nani.’ ”

Eksodusi 14:13

Mosi wabaphendvula watsi: “Ningesabi, manini sibindzi, nicine, nitawubona kusindzisa kwaSimakadze latanentela kona lamuhla. LamaGibhithe leniwabonako lamuhla aniseyiwuphindze niwabone futsi.

Taga 3:9

Dvumisa Simakadze ngalokuhle lonako nangetitselo tekucala tako konkhe lokulimile,

Isaya 41:10

Ngako-ke ungesabi, ngobe mine nginawe; ungajabhi, ngobe mine nginguNkulunkulu wakho. Ngitakucinisa ngikusite, ngiyakukubamba ngesandla sami sekudla lesilungile.

Isaya 41:13

Ngobe mine nginguSimakadze, Nkulunkulu wakho, lobamba sandla sakho sangesekudla, atsi kuwe: ‘Ungesabi, ngitakusita.’

Malakhi 3:10

Letsani konkhe kwelishumi endlini yengcebo, kuze kutewuba nekudla endlini yami.” Simakadze utsi: “Ase ningilinge ngaloko, nitewubona kutsi ngingeke yini nginivulele emafasitelo asezulwini ekutfulula, nginitfululele tibusiso letinyenti, nize nehluleke kutfola indzawo leyenele yekutigcina.

Matewu 10:37

“Lotsandza uyise nome unina kwengca mine, akangifaneli; nalotsandza indvodzana yakhe nome indvodzakati yakhe kwengca mine, akangifaneli.

Matewu 28:5

Ingilosi yatsi kulabafati: “Ningesabi, ngiyati kutsi nifuna Jesu labebetselwe esiphambanweni.

Matewu 6:33

Kodvwa funani kucala umbuso waNkulunkulu kanye nekulunga kwakhe, khona tonkhe letintfo titakwengetelwa kini.

Imisebenti yebaPhostoli 27:24

yatsi: ‘Ungesabi, Pawula, ufanele ume embikwaKhesari; Nkulunkulu ukunikile bonkhe laba lohamba nabo.’

KumaHebheru 11:17

Ngekukholwa Abrahama, nakavivinywa, wanikela nga-Isaka kutsi abe ngumhlatjelo. Nome Abrahama abesatemukele leto tetsembiso, kodvwa abetimisele kunikela ngayo yona leyo ndvodzana yakhe yekuphela.

1 yaPhetro 1:7

Injongo yaletilingo kutsi kukholwa kwenu kuvivinywe, kuze kubonakale bungiko bako. Ngisho negolide lebhubhako ihlolisiswa ngemlilo bungiyo bayo, kanjalo-ke nekukholwa kwenu lokuligugu kunegolide kufanele kutsi kuvivinywe bungiko bako. Khona-ke niyawutfola kubongwa, nebukhosi, neludvumo ekwembulweni kwaJesu Khristu.