1 Emakhosi 16:18 - Siswati 1996 Bible

¹⁸ Zimri watsi kube abone kutsi lidolobha selitfunjiwe, wayawubhaca enqabeni yesigodlo, walumeka sigodlo labekuso ngemlilo. Ngaleyo ndlela wafa

1 Emakhosi 16:18 ပူးပေါင်းရင်းမြစ်များ

2 Samuweli 17:23

Ahithofeli watsi kube abone kutsi seluleko sakhe abakasilandzeli, wabophela imbongolo yakhe, waphuma, wabanga ekhaya kakhe lelalisedolobheni lakubo. Wacala walungisa kahle tonkhe tintfo tasemndenini wakakhe, wase uyatikhunga, wafa; wangcwatjwa edlizeni leyise.

1 Emakhosi 16:17

Omri nabo bonkhe baka-Israyeli lababemsingatsile besuka eGibhethoni bavimbetela iThisa.

2 Emakhosi 15:25

Lenye yetinceku takhe, Phekha, umsa waRemaliya, wamakhela luzungu. Wabutsa emadvodza langema-50 akaGileyadi, wenta Phekahiya silo sengubo. Phekha wabulala Phekahiya kanye nabo-Agobu na-Ariye; wababulalela enqabeni yesigodlo saseSamariya. Phekha wase uba yinkhosi.

2 Emakhosi 9:31

Watsi nje Jehu asangena esangweni, wambuta watsi: “Ute ngekuthula yini, Zimri, wena mbulali wenkhosi yakho?”

Matewu 27:5

Judasi wasakata phansi lemali ethempelini, wahamba wayawutikhunga.

Tikhulu 9:54

Masinyane Abimeleki wabita ludzibi lwakhe, watsi: “Sheshisa uhoshule inkemba yakho ungibulale, kuze bangasho batsi: ‘Wabulawa ngumfati.’ ” Ngako inceku yamcedzela, wafa.