1 Emakhosi 16:11 - Siswati 1996 Bible

¹¹ Watsi kube acale nje kubusa ahleti esihlalweni sebukhosi, wabulala bantfu bonkhe bendlu yakaBhasha, akazange ashiye ngisho namunye lomdvuna lophilako, ngisho sihlobo, nome umngani.

1 Emakhosi 16:11 ပူးပေါင်းရင်းမြစ်များ

1 Emakhosi 14:10

“ ‘Ngenca yaloko indlu yakaJerobowamu ngitayiletsela inhlekelele, ngitawubulala tonkhe titukulwane takho letidvuna, letincane naletindzala. Indlu yakaJerobowamu ngitayishisa njengemuntfu ashisa lilongwe, ishe ize iphele nya.

1 Emakhosi 15:29

Watsi acala nje kubusa, wabulala bonkhe bantfu bendlu yakaJerobowamu. Akazange ashiye nakunye kwakaJerobowamu lokuphefumulako; wababulala bonkhe njengekusho kwelivi laSimakadze lelalite ngenceku yakhe Ahiya, waseShilo,

1 Emakhosi 16:10

Zimri wangena wamgalela, wamlahla phansi, wambulala ngemnyaka wema-27 wekubusa kwa-Asa, inkhosi yakaJuda. Wase utibeka yena, waba yinkhosi yaka-Israyeli.

1 Emakhosi 16:3

Ngako sengitakucedza, wena Bhasha, kanye nayo yonkhe indlu yakho, ngitakwenta indlu yakho ifanane neyaJerobowamu, umsa waNebati.

1 Emakhosi 21:22

Indlu yakho ngitayilingisa leya yakaJerobowamu, umsa waNebati, neyakaBhasha, umsa wa-Ahiya, ngobe ungicunulile, ngaze ngatfukutsela, wenta nema-Israyeli ona.’

2 Emakhosi 9:9

“ ‘Ngiyakwenta indlu yaka-Ahabi ibe njengendlu yakaJerobowamu, umsa waNebati, nanjengendlu yakaBhasha, umsa wa-Ahiya.

Tihlabelelo 109:13

Shangatsi intalelwane yakhe ingaphela nya; libito lakhe lesulwe esitukulwaneni lesitako.

Tikhulu 1:7

Adoni Bhezeki wakhuluma watsi: “Emakhosi langema-70 labejutjwe titfupha tawo kanye naboqukulu bawo abevame kubutsa timvutfuluka ngaphansi kwelitafula lami. Nyalo Nkulunkulu sewungibuyisele ngaloko lengakwenta kubo.” Beta naye eJerusalema, wafike wafela lapho.

1 Samuweli 25:22

Shangatsi Simakadze angangibulala, nangingakababulali bonkhe labadvuna kusengakasi lamuhla nje!”

1 Samuweli 25:34

Simakadze ungigcinile, ngangete ngakulimata. Kodvwa ngifunga ngekuphila kwaNkulunkulu wema-Israyeli kutsi kube awukasheshisi waphutfuma kutengihlangabeta, bekutawutsi kudzabuka kusa lamuhla kube sekute ngisho namunye lomdvuna lophilako kulamadvodza akaNabali.”