1 Emakhosi 15:22 - Siswati 1996 Bible

²² Inkhosi Asa yase ikhipha satiso kulo lonkhe lakaJuda, wababutsa bonkhe, kwabate ngisho namunye lowasala; bonkhe batfutsa ematje eRama, netingodvo letatisetjentiswa nguBhasha lapho. Inkhosi Asa yakha ngako iGeba kulakaBhenjamini neMispa.

1 Emakhosi 15:22 ပူးပေါင်းရင်းမြစ်များ

1 Emakhosi 15:17

Bhasha, inkhosi yaka-Israyeli, wakhuphuka wayawuhlasela Juda, wakha iRama, yaba lidolobha leliyinqaba, entela kutsi kubete namunye lophumako nalongenako eveni laka-Asa, inkhosi yakaJuda.

2 Emakhosi 23:8

Josaya walandza bonkhe baphristi lababesemadolobheni akaJuda wahlazisa letindzawo letiphakeme, kusukela eGeba kuye eBherisheba, lapho baphristi bebatfuncisela khona imphepho. Wabhidlita tindzawo letiphakeme ekungeneni kwelisango laJoshuwa, umphatsi welidolobha, ngesancele kwelisango lelidolobha.

2 Tikhronike 16:6

Inkhosi Asa yahamba nawo onkhe emadvodza akaJuda, beta eRama batfutsa ematje netingodvo letatisetjentiswa nguBhasha. Wakha ngako iGeba neMispa.

Jeremiya 40:10

Mine-ke ngitawuhlala eMispa kutsi ngitewumelela nine kumaBhabhulona labeta lapha kitsi; kodvwa nine nitawuvuna liwayini, netitselo tasehlobo kanye nemafutsa, nikufake etitjeni tenu tekulondvolota, nihlale kulamadolobha leseniwatsetse.”

Jeremiya 40:6

Ngako Jeremiya wahamba waya kaGedaliya, umsa wa-Ahikamu, eMispa, wahlala naye asemkhatsini webantfu lababesele eveni.

Jeremiya 41:9

Lomgodzi lapho alahla khona tonkhe letidvumbu talamadvodza labesawabulele kanye naGedaliya, bekungiwo lowo mgodzi lomkhulu lowawentiwe yinkhosi Asa, nakativikela ekuhlaselweni nguBhasha, inkhosi yaka-Israyeli. Nguwo-ke Ishmayeli, umsa waNethaniya, lawugcwalisa ngaletidvumbu.

Zakhariya 14:10

Lonkhe live, kusukela eGeba kuye eRimoni, eningizimu neJerusalema, liyawufanana ne-Arabha. Kodvwa iJerusalema iyawuphakanyiswa ihlale isendzaweni yayo, kusukela eSangweni lakaBhenjamini kuye endzaweni yeliSango Lekucala, eSangweni Lasekoneni, nekusukela eMbhoshongweni waHananeli kuye ematjeni enkhosi ekuhluta liwayini.

Joshuwa 18:24

neKhefari Amoni, ne-Ofni, neGeba. Kwaba ngemadolobha lali-12 akanye nemiti yawo.

Joshuwa 18:26

neMispa, neKhefira, neMosa,

Joshuwa 21:17

Esiveni sakaBhenjamini anikwa iGibeyoni, neGeba,

1 Samuweli 7:5

Samuweli wase ukhuluma utsi: “Hlanganisani onkhe ema-Israyeli eMispa, mine ngitawube sengiyanincusela kuSimakadze.”