1 Emakhosi 15:20 - Siswati 1996 Bible

²⁰ Bheni Hadadi wayivumela inkhosi Asa, watfumela tindvuna takhe temabutfo kutsi tiyewuhlasela emadolobha aka-Israyeli. Watfumba i-Ijoni, neDani, na-Abela Bhethi Makha, kanye nayo yonkhe iKhinerethi kanye nalo lonkhe lakaNaftali.

1 Emakhosi 15:20 ပူးပေါင်းရင်းမြစ်များ

Genesisi 14:14

Abrama watsi kube eve kutsi umntfwanemnakabo bamtfumbile, wabutsa emadvodza labetalelwe ekhaya lakhe labececeshelwe timphi. Asawonkhe abesangema-318. Abrama nalamadvodza wacosha lamakhosi lamane wadzimate wawefikisa ngakaDani.

1 Emakhosi 12:29

Lelinye litfole walimisa eBetheli, lelinye walimisa kaDani.

1 Emakhosi 20:1

Bheni Hadadi, inkhosi yaseSiriya, wahlomisa onkhe emabutfo akhe, asitwa ngemakhosi langema-32 labehamba ngemahhashi nangetincola temphi; wenyuka wayawuhlasela iSamariya, wayivimbetela.

1 Emakhosi 20:34

Bheni Hadadi wakhuluma kuye, watsi: “Ngitakuwabuyisa onkhe lamadolobha latfunjwa ngubabe kuyihlo. Nawe ungatentela timakethe edolobheni laseDamaseko, njengobe nababe atenta eSamariya.” Ahabi waphendvula watsi: “Ngitakukhululela etikwalesivumelwane.” Ngako benta leso sivumelwane, wase uyamkhulula.

2 Emakhosi 15:29

Ngesikhatsi saPhekha, inkhosi yaka-Israyeli, Thiglathi Phileseri, inkhosi yase Asiriya, yefika yatfumba i-Ijoni, ne-Abela Bhethi Makha, neJanowa, neKhedeshi kanye neHasori. Watfumba iGileyadi, neGalile, nalo lonkhe live lakaNaftali, bantfu wabatfumba wabayisa e-Asiriya.

Joshuwa 11:2

kanye nasemakhosini angasenyakatho labakhe etintsabeni, nase-Arabha, eningizimu neKhinerethi, nangasematsafeni eNafothi Dori ngasenshonalanga.

Joshuwa 12:3

Waphindze wabusa emphumalanga ne-Arabha kusukela eLwandle iKhinerethi kuye eLwandle lwase-Arabha, lekuLwandle Lweluswayi, kuye eBhethi Jeshimothi, kwemuke kuye ngaseningizimu emaceleni eNtsaba iPhisga.

Joshuwa 19:39

Lamadolobha kanye nemiti yawo kwaba lifa lelabelwa sive sakaNaftali, lusendvo ngelusendvo.

Tikhulu 18:29

Baletsa libito batsi yiDani, baletsa ngeyisemkhulu labenguDani, umsa wa-Israyeli. Noko ngaphambili lelidolobha lalatiwa ngekutsi yiLayishi.