1 Emakhosi 15:18 - Siswati 1996 Bible

¹⁸ Asa wase utsatsa yonkhe isiliva negolide leyayisele engcebeni yaSimakadze ethempelini nasesigodlweni sakhe. Wayiniketela etandleni tetinceku takhe watitfumela kuBheni Hadadi, umsa waThabrimoni, umsa waHeziyoni, inkhosi yaseSiriya leyayihlala eDamaseko.

1 Emakhosi 15:18 ပူးပေါင်းရင်းမြစ်များ

Genesisi 14:15

Kwatsi ebusuku wahlelembisa libutfo lakhe ngeticheme talo. Wawahlasela wawehlula, wawacosha waze wawabeka eHoba, enyakatfo neDamaseko.

Genesisi 15:2

Kodvwa Abrama watsi: “Awu, Simakadze Nkulunkulu, utangiphani, ngobe seloku anginamntfwana? Indlalifa yami kutawuba ngu-Eliyezeri waseDamaseko.”

1 Emakhosi 14:26

Watfumba yonkhe ingcebo yasethempelini laSimakadze neyasesigodlweni. Watsatsa konkhe, ngisho nawo onkhe emahawu egolide labentiwe nguSolomoni imbala.

1 Emakhosi 15:15

Wangenisa ethempelini laSimakadze isiliva negolide nato tonkhe timphahla latatinikelwe nguye baneyise.

2 Emakhosi 12:17

Ngaleso sikhatsi Hazayeli, inkhosi yaseSiriya, yakhuphuka yayawuhlasela iGathi, yayitfumba; yesuka lapho yacondza eJerusalema, nayo yayihlasela.

2 Emakhosi 12:18

Kodvwa Jowashi, inkhosi yakaJuda, yatsatsa tonkhe timphahla letingcwele letatinikelwe boyisemkhulu, Jehoshafati, naJehoramu, na-Ahaziya, emakhosi akaJuda; watsatsa nato tonkhe tipho letatinikelwe nguye cobo lwakhe, nayo yonkhe igolide leyatfolakala endlini yengcebo, ethempelini laSimakadze, nasesigodlweni senkhosi, watitfumela kuHazayeli, inkhosi yaseSiriya, lowase uyayiyekela iJerusalema, wangabe asayihlasela.

2 Emakhosi 12:19

Leminye imininingwane yetintfo letenteka ekubuseni kwaJowashi, nako konkhe lakwenta, kubhaliwe encwadzini yemilandvo yemakhosi akaJuda.

2 Tikhronike 15:18

Wangenisa ethempelini laNkulunkulu isiliva negolide kanye netintfo letatinikelwe nguye baneyise.

Jeremiya 49:27

“Ngiyawulumeka umlilo etibondzeni taseDamaseko; umlilo uyawudla tinqaba taBheni Hadahi.”

Amose 1:4

Ngako ngitakwehlisela umlilo endlini yakaHazayeli, lotawushisa ucotfule leto tigodlo takaBheni Hadadi.