1 Emakhosi 15:13 - Siswati 1996 Bible

¹³ Wadzimate wehlisa ngisho nagogo wakhe Makha esikhundleni sakhe sekuba yindlovukazi, ngobe abakhe insika ya-Ashera leyayisinengiso. Asa wagawula lensika ya-Ashera wayishisela eSigodzini saseKhidroni.

1 Emakhosi 15:13 ပူးပေါင်းရင်းမြစ်များ

2 Samuweli 15:23

Kuyo yonkhe leyo ndzawo sive sakhala kakhulu sisendlula. Inkhosi nayo yewela Sigodzi seKhidroni, sonkhe sive sahamba sacondza ngasehlane.

1 Emakhosi 15:10

wabusela eJerusalema iminyaka lengema-41. Libito lagogo wakhe lotala uyise bekunguMakha, indvodzakati ya-Absalomu.

1 Emakhosi 15:2

Wabusela eJerusalema iminyaka lemitsatfu. Libito lenina bekunguMakha, indvodzakati ya-Absalomu.

1 Emakhosi 2:19

Watsi Bhatisheba nakaya enkhosini Solomoni kuyawukhulumela Adoniya, inkhosi yasukuma yamhlangabeta, yamkhotsamela, yase ihlala phansi esihlalweni sayo sebukhosi. Bekanesihlalo sebukhosi lesasiletselwe unina, lafike wahlala kuso, ngesekudla senkhosi.

2 Emakhosi 10:26

Batsatsa lelitje lekwakutsiwa lingcwele, balikhiphela ngephandle kwelithempeli laBhali, balishisa.

2 Emakhosi 18:4

Wadzilita tindzawo letiphakeme tekukhontela tithico, wabhidlita tithicomatje, wagawula tinsika tabo-Ashera, waphahlata inyoka yelitfusi leyayakhiwe nguMosi, ngobe kwaze kwaba ngungaleso sikhatsi solomane ema-Israyeli atfuncisa imphepho kuyo, kwakutsiwa nguNehushtani libito layo.

2 Emakhosi 23:4

Inkhosi yatjela Hilkiya, umPhristi Lomkhulu, nebaphristi labebangaphansi kwakhe kanye nabomahlalesangweni kutsi bakhiphe ethempelini laSimakadze konkhe lokwakwentelwe Bhali na-Ashera, nako konkhe lokwakwentelwe tonkhe tinkhulungwane tetinkhanyeti. Wakushisela ngaphandle kweJerusalema etikhotseni letigudla iKhidroni, wase utsatsa lomlotsa uwumikisa eBetheli.

2 Emakhosi 23:6

Watsatsa insika ya-Ashera ethempelini laSimakadze, wayimikisa emfudlaneni iKhidroni ngephandle kweJerusalema, wayishisela khona. Wayisila, yaba yimphuphu, wabe sewuyisakata seyilutfuli etikwemadliza ebantfukatana.

2 Tikhronike 34:4

Ngekuyala kwakhe emalati aboBhali abhidlitwa, wagawula nalamalati ekutfuncisela timphepho labesetikwawo, wawajuba aba ticucu, wabhidlita naletinsika ta-Ashera, netithico, netitfombe. Loko wakubhidlita kwaba timvutfu, wakusakatela emadlizeni alabo labebahlabela kuwo imihlatjelo.

Eksodusi 32:20

Watsatsa lelitfole lelase lakhiwe, walishisa ngemlilo, waligaya, lacolisakala laba yimphuphu, walibhuca ngemanti, watsi onkhe ema-Israyeli akalinatse.

Levithikusi 26:30

Ngiyawubhidlita tindzawo tenu tekukhontela, ngidzilite nemalati enu etimphepho, tidvumbu tenu ngitibutsisele ndzawonye etikwetithico tenu letite imphilo naletiwile; umphefumulo wami uyawunicansukela.

Zakhariya 13:3

“Nangabe kukhona losachubeka nekuphrofetha, uyise nenina, labamtalako, bayakutsi kuye: ‘Wena kufanele ufe, ngobe ukhulume emanga egameni laSimakadze;’ nasaphrofetha, batali bakhe bayawumgwaza.

Matewu 10:37

“Lotsandza uyise nome unina kwengca mine, akangifaneli; nalotsandza indvodzana yakhe nome indvodzakati yakhe kwengca mine, akangifaneli.

Johane 18:1

Jesu watsi kube acedze kuthandaza, wahamba kanye nebafundzi bakhe, bewelela ngesheya kwemfudlana lokwakutsiwa yiKhidroni. Bekunengadze langena kuyo Jesu kanye nebafundzi bakhe.

2 kubaseKorinthe 5:16

Ngako kusukela nyalo asiseyikwati muntfu ngekwenyama. Nome sake samati Khristu ngekwenyama nyalo asisamati kanjalo.

KubaseGalathiya 2:14

Kodvwa ngatsi kube ngibone kutsi abasahambi khona ecinisweni leliVangeli, ngavele ngamtjela Phetro embikwabo bonkhe ngatsi: “Nangabe wena longumJuda, uphila njengebetive, hhayi njengemJuda, pho, yini ubacindzetele betive kutsi abaphile njengemaJuda?”

Dutheronomi 33:9

Wakhuluma ngeyise nenina watsi: ‘Anginandzaba nabo.’ Akazange abanake bomnakabo, wabatsalalisela bantfwabakhe. Kodvwa walilindza livi lakho, wasilondvolota nesivumelwane sakho.

Dutheronomi 7:5

Naku-ke lenitakwenta kuto: Bhidlitani emalati ato, nephule netinsikamatje tato lekutsiwa tingcwele, nijube tinsika tato tabo-Ashera losithicokati sabo, nishise netithico tato ngemlilo.

Dutheronomi 9:21

Ngaphindza ngatsatsa leyontfo yenu lesono, litfole lenase nilentile, ngalishisa emlilweni. Ngaligaya laba yimphuphu lecolisakele njengelutfuli, ngatsela lolutfuli kulomfula lowawugeleta, wehla kulentsaba.

Joshuwa 6:24

Lonkhe lidolobha nako konkhe lokusekhatsi bakushisa ngemlilo; kodvwa isiliva, negolide, netitja telitfusi netensimbi bakufaka endlini yengcebo yaSimakadze.