1 Emakhosi 14:7 - Siswati 1996 Bible

⁷ Hamba utjele Jerobowamu kutsi naku lokushiwo nguSimakadze, Nkulunkulu wema-Israyeli, utsi: ‘Ngakuphakamisa emkhatsini wesive, ngakwenta waba ngumholi wesive sami sema-Israyeli.

1 Emakhosi 14:7 ပူးပေါင်းရင်းမြစ်များ

1 Emakhosi 11:28

Jerobowamu-ke bekayindvodza leme kahle, kwatsi kube Solomoni abone kutsi lelijaha liwenta kahle kanganani umsebenti walo, wabe sewulibeka indvuna yemisebenti yonkhe leyayentiwa ngemphoco bendlu yakaJosefa.

1 Emakhosi 11:35

Ngitawutsatsa umbuso esandleni semsa wakhe, nginike wena tive letilishumi.

1 Emakhosi 11:37

Noko-ke wena ngitakutsatsa ngikubeke ube ngumholi wabo bonkhe labo labafunwa yinhlitiyo yakho, utawuba yinkhosi etikwesive sema-Israyeli.

1 Emakhosi 12:24

‘Nako lokushiwo nguSimakadze, utsi: “Ningakhuphuki kuyakulwa nabomnakenu, ema-Israyeli. Hambani niye emakhaya enu nonkhe, ngobe loku kungumuno wami.” ’ ” Ngako balilalela livi laSimakadze babuyela emakhaya abo, njengobe abeshito.

1 Emakhosi 13:34

Lesi kwaba sono sendlu yakaJerobowamu lokungusona sabangela kutsi indlu yakhe yonkhe ibhubhe iphele ingasabikho emhlabeni.

1 Emakhosi 14:6

Ngako kwatsi kube Ahiya eve tigi tekuhamba kwakhe emnyango, wakhuluma watsi: “Ngena, mkaJerobowamu. Utentiselani? Ngitfunywe kuwe kutsi ngikutjele tindzaba letimbi.

1 Emakhosi 16:2

latsi: “Ngakuphakamisa elutfulini, ngakwenta umholi wesive sami saka-Israyeli, kodvwa wena uhambe etinyatselweni taJerobowamu, waze wonisa nesive sami, ema-Israyeli, sangicunula ngenca yetono taso.

Hoseya 13:11

Ngako ngekutfukutsela kwami nganinika inkhosi, nangelulaka lwami ngaphindze ngayisusa.

1 Samuweli 15:16

Samuweli wakhuluma kuSawula, watsi: “Bindza! Ngitakutjela kutsi Simakadze utsiteni kimi kulobusuku.” Sawula watsi: “Ngitjele.”