1 Emakhosi 14:30 - Siswati 1996 Bible

³⁰ Ngaso leso sikhatsi boRehobowamu naJerobowamu babevame njalo kuhlaselana.

1 Emakhosi 14:30 ပူးပေါင်းရင်းမြစ်များ

2 Samuweli 3:1

Kulwa emkhatsini wendlu yakaSawula neyakaDavide kwachubeka sikhatsi lesidze. Davide wakhula wachubeka kuba nemandla, kantsi indlu yakaSawula yachubeka kuba butsakatsaka.

1 Emakhosi 12:21

Watsi kube efike eJerusalema Rehobowamu, wabutsa yonkhe indlu yakaJuda kanye nesive sakaBhenjamini, libutfo lelalinemadvodza lati-180 000, tihlabani todvwa, wahlomisa imphi yekuhlasela indlu yaka-Israyeli, kuze batewubuyisela umbuso kuRehobowamu, umsa waSolomoni.

1 Emakhosi 12:24

‘Nako lokushiwo nguSimakadze, utsi: “Ningakhuphuki kuyakulwa nabomnakenu, ema-Israyeli. Hambani niye emakhaya enu nonkhe, ngobe loku kungumuno wami.” ’ ” Ngako balilalela livi laSimakadze babuyela emakhaya abo, njengobe abeshito.

1 Emakhosi 14:19

Leminye imininingwane ngekubusa kwaJerobowamu netimphi takhe, nekutsi wabusa njani, kubhaliwe encwadzini yemilandvo yemakhosi aka-Israyeli.

1 Emakhosi 15:16

Kwakunekulwa emkhatsini wabo-Asa naBhasha, inkhosi yaka-Israyeli, kuko konkhe kubusa kwabo.

2 Tikhronike 12:15

Imininingwane ngekubusa kwaRehobowamu, kusukela ekucaleni kuze kube ngusekugcineni, ibhaliwe emilandvweni yaShemaya, umphrofethi, na-Ido, umboniswa, lapho kubhalwe khona tonkhe titukulwane ngekulandzelana kwato. Kwaba nekulwa lokwakungapheli emkhatsini waRehobowamu naJerobowamu.