1 Emakhosi 14:27 - Siswati 1996 Bible

²⁷ Ngako Rehobowamu, inkhosi, wenta emahawu elitfusi kutawutsatsa sikhundla salawa egolide, wase uwetfula esandleni setindvuna tabogadzi basekungeneni kwesigodlo.

1 Emakhosi 14:27 ပူးပေါင်းရင်းမြစ်များ

2 Samuweli 11:9

Kodvwa Uriya akazange aye ekhaya lakhe, walala emasangweni esigodlo kanye naletinye tinceku tenkhosi yakhe.

2 Samuweli 15:1

Emvakwaloko Absalomu watihlinzeka ngencola yemphi, nemahhashi kanye nemadvodza langema-50 kutsi ahambe embikwakhe.

1 Emakhosi 14:1

Ngaso leso sikhatsi Abiya, umsa waJerobowamu, wagula.

1 Emakhosi 14:28

Njalo nje inkhosi nayiya ethempelini laSimakadze, bomahlalesangweni babetfwala lamahawu, bese kutsi emvakwaloko bawabuyisele emuva endlini yabogadzi.

1 Emakhosi 14:5

Kodvwa Simakadze abesatjele Ahiya, watsi: “UmkaJerobowamu uyeta, utekukubuta ngendvodzana yakhe, ngobe iyagula, wena kufanele umnike impendvulo lengukutsi nekutsi. Nakefika lapha, utawutentisa shangatsi ungulomunye umuntfu.” Watsi kube umkaJerobowamu efike, watenta shangatsi ungulomunye umuntfu.

1 Emakhosi 18:46

Emandla aSimakadze ehlela ku-Elija, wakhwicela ingubo yakhe ebhandeni lelaliselukhalo yacina, wagijima washiya Ahabi yonkhe indlela leya eJezreyeli.

2 Emakhosi 11:19

Wabutsa tindvuna temakhulu, netesigodlo, nabomahlalesangweni, kanye nabo bonkhe bantfu bakulelo live, behlisa inkhosi ethempelini laSimakadze, bashuca bayawungena esigodlweni, bangena ngendlela yelisango lalabaciza sigodlo. Inkhosi yavele yahlala esihlalweni sayo sebukhosi.

2 Emakhosi 11:4

Kwatsi ngemnyaka wesikhombisa Jehoyada, umphristi, watfumela kwalandvwa tindvuna temakhulu, tasesigodlweni, netabomahlalesangweni, watsi atiletfwe kuye ethempelini laSimakadze. Wenta sivumelwane nato watifungisa asethempelini laSimakadze. Wase utikhombisa lendvodzana yenkhosi.

1 Samuweli 22:17

Inkhosi yase itjela letindvuna letatiyikakile, yatsi: “Babulaleni labaphristi baSimakadze, ngobe nabo bahlangene naDavide. Bebati kutsi uyabaleka, kodvwa bangete bangitjela.” Kodvwa tindvuna tenkhosi tesaba kubeka sandla sato etikwebaphristi baSimakadze.

1 Samuweli 8:11

watsi: “Naku-ke lokutakwentiwa ngulenkhosi letawubusa etikwenu: Itawutsatsa emadvodzana enu, iwabutse aphume nemphi yayo yetincola nemahhashi, iwakhekhetelise embikwetincola tayo.