1 Emakhosi 14:24 - Siswati 1996 Bible

²⁴ Kwaze kwaba khona ngisho netitabane kuleto tindzawo tekukhontela tithico. Sive sakaJuda senta tonkhe leto tintfo letilihlazo letatentiwa nguletive Simakadze labetidvungulule ngesikhatsi nakufika sive sema-Israyeli.

1 Emakhosi 14:24 ပူးပေါင်းရင်းမြစ်များ

Genesisi 19:5

Amemeta Loti atsi: “Aphi lamadvodza langenise lapha kakho kuyo lentsambama? Wakhiphe uwaletse la, khona sitewulala nawo!”

1 Emakhosi 15:12

Wacosha tonkhe titabane tasemathempelini, watisusa eveni lakhe kanye nato tonkhe tithico letatibunjwe boyise.

1 Emakhosi 22:46

Wacosha imisalela yetitabane telithempeli letatisasele emvakwekubusa kweyise, Asa.

2 Emakhosi 23:7

Wabhidlita nemalawu etitabane labesethempelini laSimakadze, lapho labasikati babetfungela khona tingubo tekukhonta Ashera.

Levithikusi 18:26

Kodvwa nine kufanele nitigcine timiso tami nemitsetfo yami. Ema-Israyeli nome betive labahlala emkhatsini wenu bangacali bente ngisho nome kunye kwaletintfo letisinengiso,

Levithikusi 18:30

“ ‘Gcinani lemiyalo yami, ningayilandzeli lemikhuba nemasiko lababewenta nisengakafiki. Ningatingcolisi ngayo. NginguSimakadze, Nkulunkulu wenu.’ ”

1 kubaseKorinthe 6:9

Anati yini kutsi labangakalungi abayikulidla lifa lembuso waNkulunkulu? Ningayengeki: Tingwadla, nalabakhonta tithico, netiphingi, nalabadvuna labalalanako,

Dutheronomi 23:17

“Kute um-Israyeli lomdvuna nome lomsikati loyawuba yingwadla yasethempelini kuso sonkhe sive sema-Israyeli.

Dutheronomi 23:18

Aniyikuletsa imali yengwadla lensikati nome lendvuna endlini yaSimakadze Nkulunkulu wenu kutsi itekwenta ngayo setsembiso nome ngabe sani, ngobe Simakadze Nkulunkulu wenu ubenyanya bobabili.

Tikhulu 19:22

Batsi basachubeka nekudla, batijabulisa, lamanye emadvodza labetidlova takulelo dolobha atseleka, abavimbetela kulendlu. Agunkluta lesivalo salendlu, abememeta lelikhehla, umnikati walendlu, atsi: “Khipha lendvodza lengenise lapha kakho, sifuna kulala nayo.”