1 Emakhosi 14:21 - Siswati 1996 Bible

²¹ Rehobowamu, umsa waSolomoni, waba yinkhosi yakaJuda. Abeneminyaka lengema-41, nakabekwa kuba yinkhosi yakaJuda, wabusa iminyaka leli-17 eJerusalema, lidolobha Simakadze lalikhetsa emkhatsini wato tonkhe tive taka-Israyeli kutsi abeke khona Libito lakhe. Unina wakhe bekunguNama, angum-Amoni.

1 Emakhosi 14:21 ပူးပေါင်းရင်းမြစ်များ

1 Emakhosi 11:1

Solomoni, inkhosi, watsandzana nebafati labanyenti betive, ngaphandle kwalendvodzakati yaFaro; abesanemakhosikati labengemaMowabi, nalabengema-Amoni, nalabengema-Edomu, nalabengemaSidoni kanye nalabengemaHethi.

1 Emakhosi 11:32

Kodvwa ngenca yenceku yami Davide, nangenca yeJerusalema lengiyikhetsile emkhatsini wato tonkhe tive tema-Israyeli, yena utawusala nesive sinye.

1 Emakhosi 11:36

Umsa wakhe ngitamnika sive sibe sinye, kuze kutsi Davide, inceku yami, ihlale inesibane embikwami eJerusalema, lidolobha lengalikhetsela kutsi ngibeke Libito lami kulo.

1 Emakhosi 11:43

Solomoni wase uyakhotsama, wafihlwa edolobheni leyise Davide. Rehobowamu, umsa waSolomoni, waba yinkhosi esikhundleni sakhe.

1 Emakhosi 12:17

Kodvwa Rehobowamu wachubeka wabusa etikwawo onkhe lawo ma-Israyeli labehlala emadolobheni akaJuda.

1 Emakhosi 14:20

Wabusa iminyaka lengema-22, wabe sewuyakhotsama. Nadabi, umsa wakhe, wase uba yinkhosi esikhundleni sakhe.

1 Emakhosi 14:31

Rehobowamu wase uyakhotsama, wafihlwa emathuneni emakhosi, eDolobheni laDavide. Libito lenina bekunguNama, angum-Amoni; Abiya, umsa wakhe, waba yinkhosi esikhundleni sakhe.

1 Emakhosi 22:42

Jehoshafati abeneminyaka lengema-35 budzala ngesikhatsi abekwa kuba yinkhosi. Wabusela eJerusalema iminyaka lengema-25. Libito lenina bekungu-Azubha, indvodzakati yaShilhi.

1 Emakhosi 8:16

‘Kusukela ngelilanga lengakhipha ngalo sive sami ema-Israyeli eveni laseGibhithe, angizange sengikhetse lidolobha kunome ngusiphi setive tema-Israyeli, kutsi ngakhelwe lithempeli, lapho kutabohlala khona Libito lami, kodvwa ngikhetse Davide kutsi abuse sive sami ema-Israyeli.’

1 Emakhosi 8:29

Kwangatsi emehlo akho angavulekela kulelithempeli ebusuku nasemini, lendzawo lowasho ngayo watsi: ‘Libito lami liyawuba lapho,’ kuze uwuve umthandazo wenceku yakho leyiwuthandaza ibheke kulendzawo.

1 Emakhosi 8:44

“Nangabe sive sakho siphuma imphi siyekulwa netitsa taso, nome ngukuphi lapho usiyisa khona, bese sikhuleka kuSimakadze sibheke kulelidolobha lolikhetsile, nakulelithempeli lesengilakhile, ngalakhela Libito lakho,

2 Tikhronike 12:1

Watsi kube Rehobowamu atinte ebukhosini acine, yena nema-Israyeli onkhe bawulahla umtsetfo waSimakadze.

2 Tikhronike 12:13

Rehobowamu, inkhosi, watinta eJerusalema waba yinkhosi sibili. Abeneminyaka lengema-41 budzala, nakabekwa kuba yinkhosi, wabusela eJerusalema iminyaka leli-17, lidolobha Simakadze labelikhetsile emkhatsini wato tonkhe tive taka-Israyeli kutsi abeke kulo Libito lakhe. Libito lenina bekunguNama, awesive sema-Amoni.

2 Tikhronike 13:7

Lamanye emavukelambuso, langemadvodza lamabi, ahambisana naye amsekela avukela Rehobowamu, umsa waSolomoni, asesemncane, angakatinti, futsi naye asengakacini kutsi angemelana nabo.

Eksodusi 20:24

Ngenteleni lilati ngemhlaba, etikwalo ninikele umnikelo wekushiswa nemnikelo wekuthula, ngetimvu nangetinkhomo. Yonkhe indzawo lapho ngiyawukwenta kutsi libito lami lidvunyiswe khona, ngiyawuta kini nginibusise.

Isaya 12:6

Memetani kakhulu, nihlabele ngenjabulo, nine bantfu baseSiyoni, ngobe mkhulu lowo Longcwele waka-Israyeli losemkhatsini wenu.”

Dutheronomi 12:21

Nangabe indzawo Simakadze Nkulunkulu wenu layikhetsele kubeka Libito lakhe ikhashane kakhulu kunani, ningahlaba emihlambini Simakadze laniphe yona, njengobe senginiyalile, nidlele emadolobheni enu kuye ngekutsandza kwenu.

Dutheronomi 12:5

Kodvwa nine niyawufunisisa indzawo leyawukhetfwa nguSimakadze Nkulunkulu wenu leyawubasemkhatsini wato tonkhe tive tenu, lapho ayawubeka khona Libito lakhe, ahlale khona. Ngukuleyo ndzawo-ke lapho niyakuya khona,

Dutheronomi 23:3

“Kute um-Amoni, nome umMowabi, nome titukulwane tawo kuze kube selishumi, loyawungena ebandleni laSimakadze,