1 Emakhosi 14:15 - Siswati 1996 Bible

¹⁵ Simakadze utawushaya sive saka-Israyeli, size sifanane nemhlanga loveveteliswa ngumoya emantini. Uyawusiphula lesive saka-Israyeli kulelive lelihle lalipha bokhokho baso, bese usisakatela ngesheya kweMfula iYufrathe, ngobe sicunule Simakadze samtfukutselisa ngekwakha tinsika ta-Ashera.

1 Emakhosi 14:15 ပူးပေါင်းရင်းမြစ်များ

1 Emakhosi 14:9

Wena wente lokubi kakhulu kwendlula bonkhe labake babusa embikwakho. Utentele bonkulunkulu netithico letibunjwe ngensimbi, wangicunula ngatfukutsela, wase ungilahla emvakwakho.

2 Emakhosi 15:29

Ngesikhatsi saPhekha, inkhosi yaka-Israyeli, Thiglathi Phileseri, inkhosi yase Asiriya, yefika yatfumba i-Ijoni, ne-Abela Bhethi Makha, neJanowa, neKhedeshi kanye neHasori. Watfumba iGileyadi, neGalile, nalo lonkhe live lakaNaftali, bantfu wabatfumba wabayisa e-Asiriya.

2 Emakhosi 17:11

Kuto tonkhe letindzawo letiphakeme, babetfuncisa imphepho njengaletive Simakadze latidvungulula ngesikhatsi ema-Israyeli efika. Benta tintfo letimbi letamcunula Simakadze waze watfukutsela.

2 Emakhosi 17:16

Bayifulatsela yonkhe imiyalo yaSimakadze Nkulunkulu wabo, batakhela tabo tithico letimbili letimise kwematfole, batakhela nensika ya-Ashera. Bakhotsama tinkhanyeti, bakhonta sithico saBhali.

2 Emakhosi 17:17

Benta imihlatjelo ngemadvodzana nangemadvodzakati abo bawashisa ngemlilo. Baphengula, babhula, batitsengisa ekwenteni bubi emehlweni aSimakadze, bamcunula.

2 Emakhosi 17:23

waze wabesusa Simakadze ebukhoneni bakhe, njengobe abevele abecwayisile ngato tonkhe tinceku takhe baphrofethi. Ngako-ke bantfu baka-Israyeli batsatfwa emitini yabo naseveni labo, bayiswa ekutfunjweni e-Asiriya; basesekhona lapho nalamhlanje.

2 Tikhronike 7:20

ngiyawube sengiyamsiphula Israyeli ngimsuse eveni lami, lebengimuphe lona, ngililahle nalelithempeli lesengilehlukanisele Libito lami. Ngiyakulenta libe yinhlekisa nentfo yekwedzelelwa kuto tonkhe tive.

Tihlabelelo 52:5

Ngako-ke Nkulunkulu uyawukubhidlita siphelane, uyawukuhudvula akukhiphe ekhaya lakho, akuzuphune eveni lalabaphilako. Cabanga.

Taga 2:22

Kodvwa lababi bayawususwa eveni, nalabanemacebo bayawusishulwa kulo.

Jeremiya 24:10

Ngiyawubatfumelela inkemba, nendlala kanye nesifo lesibulalanako lokuyawubehlela baze babhujiswe kulelive lengalinika bona naboyisemkhulu.’ ”

Jeremiya 28:8

Kusukela etikhatsini takucala, baphrofethi labangembili kwetfu, bake baphrofetha ngemphi, nangesehlakalo, nangesifo lesibulalanako, bamelana nemave lamanyenti nanemibuso lemikhulu.

Levithikusi 26:43

Lelo live bayawulifulatsela lisale litijabulisa ngemaSabatha alo ngesikhatsi liselihlane bangekho kulo. Bayawukhipha inkhokhelo yetono tabo, ngobe bayilahlile imitsetfo baticansukela netimiso tami.

Amose 2:9

“Kepha mine ngawabhubhisa ema-Amori embikwenu, nome abemadze njengemisedari acine njengema-okhi. Ngabhubhisa netitselo tawo ngetulu netimphandze tawo ngaphansi.

Amose 5:27

ngitanenta nitfunjelwe ngesheya kweDamaseko,” usho njalo-ke Simakadze, lolibito lakhe linguNkulunkulu longuSomandla.

Zefaniya 2:4

IGaza iyawushiywa yodvwa, ne-Ashkeloni iyawusala itindzala. Emini i-Ashdodi iyawucitfwa, kutsi i-Ekroni isishulwe.

Matewu 11:7

Kwatsi nasebancandzeka, Jesu wacala wakhuluma eticunjini ngaJohane watsi: “Nanisuka niya ehlane naniyewubonani kani? Naniyewubona umhlanga uveveteliswa ngumoya yini?

Matewu 15:13

Jesu waphendvula watsi: “Sonkhe sitfombo lesingazange sihlanyelwe nguBabe losezulwini siyawuzishunwa.

Lukha 7:24

Tatsi kube tihambe titfunywa taJohane, Jesu wacala wakhuluma eticunjini tebantfu watsi: “Ngesikhatsi niya kuJohane ehlane nanilindzele kubonani? Nanilindzele kubona tjani bulaliswa ngumoya yini?

Imisebenti yebaPhostoli 7:43

Cha! Kwakulithende lesitfombe lesinguMoloki lenanisetfwele, nemfanekiso wenkhanyeti lengunkulunkulu wenu Refani, bekubonkulunkulu benu lenabadvumisa. Ngako-ke ngiyawunilahla khashane kuneBhabhulona.’

Dutheronomi 28:36

“Simakadze uyawunicosha kanye nenkhosi yenu lenitibekele yona, niye esiveni leningasati nine kanye naboyihlomkhulu. Ngulapho niyawufike nikhonte labanye bonkulunkulu khona, bonkulunkulu labentiwe ngetigodvo nangematje.

1 Samuweli 12:25

Kodvwa nanichubeka ekwenteni lokubi, nine kanye nenkhosi yenu, niyawubhubha nonkhe.”