1 Emakhosi 14:10 - Siswati 1996 Bible

¹⁰ “ ‘Ngenca yaloko indlu yakaJerobowamu ngitayiletsela inhlekelele, ngitawubulala tonkhe titukulwane takho letidvuna, letincane naletindzala. Indlu yakaJerobowamu ngitayishisa njengemuntfu ashisa lilongwe, ishe ize iphele nya.

1 Emakhosi 14:10 ပူးပေါင်းရင်းမြစ်များ

1 Emakhosi 13:34

Lesi kwaba sono sendlu yakaJerobowamu lokungusona sabangela kutsi indlu yakhe yonkhe ibhubhe iphele ingasabikho emhlabeni.

1 Emakhosi 16:11

Watsi kube acale nje kubusa ahleti esihlalweni sebukhosi, wabulala bantfu bonkhe bendlu yakaBhasha, akazange ashiye ngisho namunye lomdvuna lophilako, ngisho sihlobo, nome umngani.

1 Emakhosi 16:3

Ngako sengitakucedza, wena Bhasha, kanye nayo yonkhe indlu yakho, ngitakwenta indlu yakho ifanane neyaJerobowamu, umsa waNebati.

1 Emakhosi 21:21

Simakadze utsi: ‘Ngitakwehlisela sigemegeme etikwakho. Ngitawubhubhisa intalelwane yakho, ngijube bonkhe labadvuna ka-Ahabi, ka-Israyeli, labancane nalabadzala.

2 Emakhosi 14:26

Simakadze wabona kutsi baka-Israyeli babeva buhlungu kanganani, bonkhe labakhululekile nalabatigcili; kwakute labengahle abasite.

2 Emakhosi 21:13

IJerusalema ngiyayijezisa njengeSamariya nanjengobe ngajezisa Ahabi, inkhosi yaka-Israyeli. Ngitabashanyela bonkhe bantfu baseJerusalema, sincane sendishi lekususwe kuyo konkhe bekungekhatsi, yase ibhekiswa phansi.

2 Emakhosi 9:37

Sidvumbu saJezebeli siyawuba njengemangcoliso kuleyo ndzawo, esigcawini saseJezreyeli, kangangekutsi kuyawubate loyawuphindze ambone aze atsi: “Lona nguJezebeli.” ’ ”

Jobe 20:7

uyawubhubha kokuphela njengemangcoliso akhe; labo lababeke bambona bayawubutana, batsi: ‘Uphi?’

Tihlabelelo 83:10

labo lababhubha ngasemtini wase-Eni Dori; bawa njengebulongo, babola baze baba ngumcuba.

Isaya 14:19

Kodvwa wena ulahliwe wangete wangcwatjwa, walahlwa njengeligala lelaliwe, walala encunjini yetidvumbu tebantfu, lababulewe ngenkemba, lese bewukele phansi emgodzini wematje. Njengesidvumbu lesinyatselwa phansi ngetinyawo,

Isaya 14:23

“Ngiyawuyenta ibe yindzawo yetikhova, kube yindzawo lelichaphoti. Ngiyawuyishanyela ngemshanyelo wembhubhiso,” usho njalo Simakadze longuSomandla.

Isaya 5:25

Ngako-ke intfukutselo yaSimakadze yasivutsela sive sakhe; waphakamisa sandla sakhe wabashaya wabalahla phansi, tintsaba tatamatama. Tidvumbu tabo taba njengemfuhlululu etitaladini. Noko ngako konkhe loku lulaka lwakhe alukagucuki, sandla sakhe sisephakeme.

Jeremiya 32:18

Ubaphatsa ngelutsandvo labatinkhulungwane, kodvwa wehlisele sijeziso ngetono taboyise ematsangeni ebantfwababo emvakwabo. Awu Nkulunkulu, wena lomkhulu nalonemandla, lolibito lakhe kunguSimakadze longuSomandla,

Jeremiya 8:2

Ayawukwenekwa elangeni, nasenyangeni, nakuto tonkhe tinkhanyeti tasemazulwini lababekutsandzile, bakusebentela, bakulandzela, bakufuna, bakukhotsamela. Akayiwubutfwa futsi akayiwungcwatjwa, kodvwa ayawuba njengemfucuta yetibi lelahlwe emhlabatsini.

Hezekeli 26:4

Tiyawubhidlita tibondza taseThire, tihhihlite nemibhoshongo yayo, ngiyawukhekhebula yonkhe imfuhlululu yayo, ngiyente ibe lidvwala lelingenalutfo.

Amose 3:6

Nakukhala impalampala edolobheni, abatfutfumeli yini bantfu? Inhlekelele iyalehlela yini lidolobha, ingakatfunyelwa nguSimakadze?

Zefaniya 1:17

“Ngiyakwehlisela lusizi ebantfwini bahambe njengetimphumphutse, ngobe bonile kuSimakadze. Ingati yabo iyawutfululwa njengelutfuli, nematfumbu abo atfululwe njengebulongo.”

Malakhi 2:3

“Ngenca yenu, ngiyakutekhuta titukulwane tenu; ngiyakuwendlala ebusweni benu lamatfumbu emihlatjelo yenu yemadzili, nani niyawususwa kanye nawo.

Dutheronomi 32:36

Simakadze uyawusehlulela sive sakhe. Unesihawu etincekwini takhe, nase abone kutsi emandla ato aphelile, sekute namunye losasele, sigcili nome lokhululekile.

1 Samuweli 2:30

“Ngaloko-ke Simakadze, Nkulunkulu wema-Israyeli, ukhuluma utsi: ‘Ngetsembisa ngatsi indlu yakho nendlu yeyihlo iyawukhonta embikwami phakadze naphakadze.’ Kodvwa nyalo Simakadze utsi: ‘Kungeke kusaba njalo! Ngobe labo labangihloniphako ngiyakubahlonipha, kodvwa labo labangedzelelako nabo bayakwedzeleleka.

1 Samuweli 25:22

Shangatsi Simakadze angangibulala, nangingakababulali bonkhe labadvuna kusengakasi lamuhla nje!”

1 Samuweli 25:34

Simakadze ungigcinile, ngangete ngakulimata. Kodvwa ngifunga ngekuphila kwaNkulunkulu wema-Israyeli kutsi kube awukasheshisi waphutfuma kutengihlangabeta, bekutawutsi kudzabuka kusa lamuhla kube sekute ngisho namunye lomdvuna lophilako kulamadvodza akaNabali.”