1 Emakhosi 11:36 - Siswati 1996 Bible

³⁶ Umsa wakhe ngitamnika sive sibe sinye, kuze kutsi Davide, inceku yami, ihlale inesibane embikwami eJerusalema, lidolobha lengalikhetsela kutsi ngibeke Libito lami kulo.

1 Emakhosi 11:36 ပူးပေါင်းရင်းမြစ်များ

2 Samuweli 21:17

Kodvwa Abishayi, umsa waSeruya, welekelela Davide, wagadla lesichwaga wasibulala. Lamadvodza akaDavide afunga kuye atsi: “Ungabobe usaphuma natsi kuyakulwa imphi. Kuze ungasicimi sibane saka-Israyeli.”

2 Samuweli 22:29

Awu! Simakadze, wena usibane sami, Simakadze ugucula bumnyama bami abente bube kukhanya.

2 Samuweli 7:16

Indlu yakho nembuso wakho kuyakuma embikwami kuze kube phakadze. Sihlalo sakho sebukhosi siyakuhlala sisimile phakadze naphakadze.” ’ ”

2 Samuweli 7:29

Manje-ke, shangatsi kungakujabulisa kubusisa indlu yenceku yakho, kuze ichubeke njalo embikwakho, ngobe wena, Nkhosi Simakadze, sewukukhulumile. Ngesibusiso sakho indlu yenceku yakho iyawubusiseka phakadze naphakadze.”

1 Emakhosi 11:13

Kodvwa ngingeke ngidzabule wonkhe umbuso kuyo, kodvwa ngiyawuyinika sive sibe sinye ngenca yaDavide, inceku yami, nangenca yeJerusalema, lidolobha lengilikhetsile.”

1 Emakhosi 11:32

Kodvwa ngenca yenceku yami Davide, nangenca yeJerusalema lengiyikhetsile emkhatsini wato tonkhe tive tema-Israyeli, yena utawusala nesive sinye.

1 Emakhosi 11:37

Noko-ke wena ngitakutsatsa ngikubeke ube ngumholi wabo bonkhe labo labafunwa yinhlitiyo yakho, utawuba yinkhosi etikwesive sema-Israyeli.

1 Emakhosi 12:17

Kodvwa Rehobowamu wachubeka wabusa etikwawo onkhe lawo ma-Israyeli labehlala emadolobheni akaJuda.

1 Emakhosi 14:21

Rehobowamu, umsa waSolomoni, waba yinkhosi yakaJuda. Abeneminyaka lengema-41, nakabekwa kuba yinkhosi yakaJuda, wabusa iminyaka leli-17 eJerusalema, lidolobha Simakadze lalikhetsa emkhatsini wato tonkhe tive taka-Israyeli kutsi abeke khona Libito lakhe. Unina wakhe bekunguNama, angum-Amoni.

1 Emakhosi 15:4

Noko-ke ngenca yaDavide Simakadze Nkulunkulu wakhe wamnika sibane eJerusalema ngekutsi amvusele indvodzana leyayitamlandzela, icinise neJerusalema.

1 Emakhosi 2:4

kuze naSimakadze asigcine setsembiso sakhe lasenta kimi nakatsi: ‘Nangabe titukulwane takho ticaphelisisa kutsi tiphila njani, nangabe futsi tihamba ngekwetsembeka embikwami ngayo yonkhe inhlitiyo nangawo wonkhe umphefumulo wato, ungeke umeswele umuntfu loyawuhlala esihlalweni sebukhosi saka-Israyeli.’

1 Emakhosi 8:29

Kwangatsi emehlo akho angavulekela kulelithempeli ebusuku nasemini, lendzawo lowasho ngayo watsi: ‘Libito lami liyawuba lapho,’ kuze uwuve umthandazo wenceku yakho leyiwuthandaza ibheke kulendzawo.

1 Emakhosi 9:3

Simakadze wakhuluma kuye, watsi: “Ngiwuvile umthandazo wakho nekuncenga kwakho lokwente kimi; lelithempeli lolakhile sengilingcwelisile, ngekutsi ngibeke Libito lami lapho kulo phakadze naphakadze. Emehlo ami nenhlitiyo yami kuyawuhlala kulapho kulo ngaso sonkhe sikhatsi.

2 Emakhosi 8:19

Noko ngenca yenceku yakhe Davide, Simakadze abengakatimiseli kubhubhisa sive sakaJuda. Abetsembisile kutsi uyawutigcinela sibane endlini yakaDavide kuze kube phakadze.

2 Tikhronike 12:13

Rehobowamu, inkhosi, watinta eJerusalema waba yinkhosi sibili. Abeneminyaka lengema-41 budzala, nakabekwa kuba yinkhosi, wabusela eJerusalema iminyaka leli-17, lidolobha Simakadze labelikhetsile emkhatsini wato tonkhe tive taka-Israyeli kutsi abeke kulo Libito lakhe. Libito lenina bekunguNama, awesive sema-Amoni.

2 Tikhronike 21:7

Noko ngenca yesivumelwane Simakadze labesente naDavide, Simakadze abengakatimiseli kuyibhubhisa indlu yakaDavide. Abetsembisile kutsi uyawutigcinela sibane endlini yakaDavide kuze kube nguphakadze naphakadze.

Tihlabelelo 132:17

Ngiyawuvusa lomunye wetitukulwane taDavide, ngimente abe yinkhosi lenkhulu. Umgcotjwa wami ngimlungiselele sibane, kutsi bukhosi bakhe bukhanye njalo.

KumaHebheru 12:22

Kodvwa, esikhundleni saloko, nite entsabeni, Siyoni, ekhaya laNkulunkulu lophilako, eJerusalema yasezulwini, esibhimbini setingilosi letingenawubalwa,

Sembulo 21:10

Yangitsatsa ngikuMoya, yangibeka esicongweni sentsaba lephakeme kakhulu. Yangikhombisa likhaya lelingcwele, iJerusalema Lensha, lehla, liphuma kuNkulunkulu ezulwini.