1 Emakhosi 11:33 - Siswati 1996 Bible

³³ Ngitakwenta loku, ngobe bangishiyile mine, bakhonta bo-Ashtarothe, sithicokati semaSidoni, naKhemoshi, sithico semaMowabi, naMoloki, sithico sema-Amoni, bangete bahamba ngendlela yami, bangete bakwenta lokuhle emehlweni ami, bangete batigcina netimiso tami nemitsetfo yami njengaDavide, uyise waSolomoni.

1 Emakhosi 11:33 ပူးပေါင်းရင်းမြစ်များ

1 Emakhosi 11:34

“ ‘Kodvwa ngingeke ngiwutsatse wonkhe umbuso kuSolomoni. Ngimi lengimente umholi ngaso sonkhe sikhatsi sekuphila kwakhe ngenca yaDavide, inceku yami, lengamkhetsa, naye wayilalela yonkhe imiyalo yami netimiso tami.

1 Emakhosi 11:4

Ngesikhatsi Solomoni akhula, emakhosikati akhe abeya ngekuya kuphambukisela inhlitiyo yakhe etithicweni tawo; inhlitiyo yakhe yayingasekatinikeli ngalokuphelele kuSimakadze longuNkulunkulu wakhe, njengenhlitiyo yeyise Davide.

1 Emakhosi 11:9

Simakadze watfukutselela Solomoni, ngobe inhlitiyo yakhe yayisukile kuSimakadze, Nkulunkulu wesive sema-Israyeli, labeke watibonakalisa kuye emahlandla lamabili.

1 Emakhosi 14:8

Umbuso ngawudzabula, ngawususa endlini yaDavide ngawunika wena, kodvwa wena awukahambi njengenceku yami Davide, lowagcina imiyalo yami wangilandzela ngenhlitiyo yakhe yonkhe, enta loko lokwakukuhle emehlweni ami.

1 Emakhosi 3:14

Nawutawuhamba etindleleni tami, uhloniphe netimiso tami nemiyalo yami njengeyihlo Davide, ngiyakukunika nemphilo lendze.”

2 Emakhosi 1:3

Kodvwa ingilosi yaSimakadze yakhuluma ku-Elija, waseThishbe, yatsi: “Hamba uhlangabete letitfunywa tenkhosi yaseSamariya, ufike utibute utsi: ‘Kungobe kute yini Nkulunkulu ka-Israyeli, kutsi ningaze niyewubuta kuBhalzebubi, nkulunkulu wase-Ekroni?’

2 Emakhosi 21:22

Walahla Simakadze, Nkulunkulu waboyise, wangete wahamba endleleni yaSimakadze.

1 Tikhronike 28:9

“Wena-ke, Solomoni, ndvodzana yami, yenta Nkulunkulu weyihlo abe ligugu kuwe, umkhonte ngayo yonkhe inhlitiyo yakho nangengcondvo levumako, ngobe Simakadze uhlolisisa tonkhe tinhlitiyo acondzisise tonkhe tinjongo temicabango. Nawumfuna, utamtfola; kodvwa nawumlahla, naye utakuyekela phakadze naphakadze.

2 Tikhronike 15:2

Wahamba waya kuyawuhlangana nenkhosi Asa, wafike kuye watsi: “Lalela lapha kimi, nkhosi Asa, nani nonkhe nine bakaJuda nebakaBhenjamini. Simakadze unani, uma ninaye. Nanimfuna, nitamtfola, kodvwa nanimlahla, naye uyakunilahla.

Jeremiya 2:11

Sive sake santjintjiselana yini ngabonkulunkulu baso? Yebo kona abasibo bonkulunkulu balutfo. Kodvwa sive sami sintjintjise ngenkhatimulo yaNkulunkulu waso, sakhonta tithico letingenamsebenti.

Jeremiya 2:13

“Sive sami sente tono letimbili: Singishiyile mine, mtfombo wemanti ekuphila, satimbela ticojana taso emadvwaleni, ticojana letinetimbobo letingeke tiwemise emanti.”

Jeremiya 48:13

Ngako Mowabi uyawuba nemahloni ngaKhemoshi, sithico sakhe, njengobe nendlu yaka-Israyeli yaba nemahloni nase betsembela eBetheli.

Jeremiya 48:7

Njengobe netsembele etentweni tenu nasebunjingeni benu, nani niyawutsatfwa niyiswe ekutfunjweni, naKhemoshi, sithico senu, uyawuyiswa ekudzingisweni kanye nebaphristi bakhe netindvuna takhe.

Hoseya 4:17

Efrayimu utihlanganise netithico; myekeleni khona lapho!

Zefaniya 1:5

nalabo labakhotsama etulu etingcongwaneni tetindlu bakhonte tinkhanyeti telizulu, nalabo labakhotsama bafunge batsi batakwetsembeka kuSimakadze baphindze bafunge nangaMoloki

Numeri 21:29

Nako kini, sive sakaMowabi! Nibhujisiwe nine sive sakaKhemoshi! Uyekelele emadvodzana akhe, aba bakhoseli; kwatsi emadvodzakati akhe aba titfunjwa taSihoni, inkhosi yema-Amori.

1 Samuweli 7:3

Samuweli wakhuluma esiveni sonkhe saka-Israyeli, watsi: “Naniphendvukela kuSimakadze ngayo yonkhe inhlitiyo yenu, kufanele nitisuse tonkhe letithico tebetive kanye nabo-Ashtarothe benu, bese nitinikela kuSimakadze nikhonte yena yedvwa, yena-ke utawube sewuyanikhulula esandleni semaFilisti.”