1 Emakhosi 11:26 - Siswati 1996 Bible

²⁶ Jerobowamu, umsa waNebati, naye futsi wavukela Solomoni, inkhosi. Yena abengulomunye wetindvuna taSolomoni, awaka-Efrayimu waseSereda, unina bekungulomfelokati lekwakutsiwa nguSeruya.

1 Emakhosi 11:26 ပူးပေါင်းရင်းမြစ်များ

Genesisi 35:16

Jakobe nemuti wakhe batfutsa eBetheli, batsi basesekhashane ne-Efratha, Rakheli wafikelwa sikhatsi sekubeleka; wahelwa kamatima.

2 Samuweli 20:21

Akusiyo injongo yetfu leyo. Kukhona indvodza lekutsiwa nguSheba, umsa waBikri, wekutalwa eveni letintsaba kulaka-Efrayimu, uphakamisele inkhosi sandla, wavukela Davide. Khiphani lowo muntfu, yena yedvwa, ngitawube sengiyaliyekela-ke lelidolobha.” Lomfati watsi kuJowabe: “Sitanijikela inhloko yakhe lapha etulu elubondzeni.”

1 Emakhosi 11:11

Ngako Simakadze wakhuluma kuSolomoni, watsi: “Njengobe sewente nje, wangete wasigcina sivumelwane sami netimiso tami, lengakuyala ngato, nakanjani umbuso wakho ngitawudzabula etandleni takho ngiwususe kuwe ngiwunike lomunye wetinceku takho.

1 Emakhosi 11:25

Rezoni abesitsa sema-Israyeli ngaso sonkhe sikhatsi kusabusa Solomoni, naye engeta kulokuhlushwa Solomoni labehlushwa ngako nguHadadi. Ngako Rezoni wabusa eSiriya, acabana njalo na-Israyeli.

1 Emakhosi 11:28

Jerobowamu-ke bekayindvodza leme kahle, kwatsi kube Solomoni abone kutsi lelijaha liwenta kahle kanganani umsebenti walo, wabe sewulibeka indvuna yemisebenti yonkhe leyayentiwa ngemphoco bendlu yakaJosefa.

1 Emakhosi 12:2

Kwatsi kube Jerobowamu, umsa waNebati, akuve loko, aseseGibhithe, lapho abebalekele khona, abalekele Solomoni, wabuya, esuka eGibhithe.

1 Emakhosi 14:16

Simakadze utasiyekelela sive saka-Israyeli ngenca yetono letentiwe nguJerobowamu, leto ladvonsela ngato sive saka-Israyeli ekoneni.”

1 Emakhosi 15:30

ngenca yetono letatentiwe nguJerobowamu, waze wafaka nabo bonkhe baka-Israyeli, nangenca yekutsi wamcansula Simakadze Nkulunkulu wema-Israyeli, wamtfukutselisa.

1 Emakhosi 16:3

Ngako sengitakucedza, wena Bhasha, kanye nayo yonkhe indlu yakho, ngitakwenta indlu yakho ifanane neyaJerobowamu, umsa waNebati.

1 Emakhosi 21:22

Indlu yakho ngitayilingisa leya yakaJerobowamu, umsa waNebati, neyakaBhasha, umsa wa-Ahiya, ngobe ungicunulile, ngaze ngatfukutsela, wenta nema-Israyeli ona.’

1 Emakhosi 9:22

Kodvwa Solomoni akazange ente ngisho nome munye um-Israyeli kutsi abe sigcili; ema-Israyeli wona abengemabutfo akhe emphi, netiphatsimandla takhe tasembusweni, nebaholi bakhe, netindvuna takhe temabutfo, netebashayeli bakhe betincola, nebagibeli bakhe bemahhashi.

1 Tikhronike 2:19

Kwatsi kube kufe Azubha, Khalebi watsatsa Efratha lamtalela Hure.

2 Tikhronike 13:6

Noko Jerobowamu, umsa waNebati, indvuna yaSolomoni, umsa waDavide, wase uvukela inkhosi yakhe.

2 Tikhronike 9:29

Leminye imininingwane ngekubusa kwaSolomoni, kusukela ekucaleni kuze kube ngusekugcineni, kubhaliwe encwadzini yemilandvo yaNathani, umphrofethi, nasesiphrofethweni sa-Ahiya waseShilo, nasemibonweni ya-Ido, umboniswa, mayelana naJerobowamu, umsa waNebati.

Tikhulu 12:5

BakaGileyadi bavimba onkhe ematubuko emfula iJordane lewelela ka-Efrayimu. Kwakutsi njalo nakukhona lophunyulile waka-Efrayimu, afike atsi: “Ngicela kwewela,” emadvodza akaGileyadi ambute atsi: “Ngekwakho uwaka-Efrayimu yini?” Nakaphendvule watsi: “Cha,”

Ruthe 1:2

Libito lalendvodza kwakungu-Elimeleki, umkayo kunguNawomi, emadvodzana ayo kunguMahaloni naKhiliyoni. Babebesive sema-Efratha eBhetlehema yakaJuda. Bafike bacaba bahlala kulo lelive lakaMowabi.

1 Samuweli 1:1

Kwakukhona indvodza letsite leyayingumSufi waseRamathayimu, eveni letintsaba kulaka-Efrayimu; libito layo bekungu-Elkhana, umsa waJerohamu, umsa wa-Elihu, umsa waThohu, umsa waSufi, um-Efrayimu.

1 Samuweli 17:12

Davide bekuyindvodzana yem-Efratha waseBhetlehema kaJuda lekwakutsiwa nguJese. Jese abanemadvodzana lasiphohlongo. Ngesikhatsi kubusa Sawula abesakhulile asaneminyaka leminyenti.