1 Emakhosi 11:22 - Siswati 1996 Bible

²² Faro wambuta watsi: “Yini loyeswelako lapha, kutsi ungaze ucele kuhamba ubuyele eveni lakini?” Hadadi wamphendvula watsi: “Kute, kodvwa ngikhulule ngihambe!”

1 Emakhosi 11:22 ပူးပေါင်းရင်းမြစ်များ

1 Emakhosi 11:21

Ngesikhatsi Hadadi aseseGibhithe, wabe sewuyeva kutsi Davide, inkhosi, sewukhotseme, nekutsi Jowabe, indvuna yemphi, naye akasekho, sewufile. Hadadi wase ukhuluma kuFaro utsi: “Ngikhulule ngihambe, kuze ngibuyele eveni lakitsi.”

1 Emakhosi 11:23

Nkulunkulu waphindze wamvusela lesinye sitsa Solomoni, lesasinguRezoni, umsa wa-Eliyada, labebaleke kumnumzane wakhe, Hadadezeri, inkhosi yaseSobha.

Tihlabelelo 37:8

Tibambe ungatfukutseli, uluyekele lulaka, ungacansuki, ngobe loko kubanga kona.

Taga 27:8

Umuntfu loshiya likhaya lakhe ufanana nenyoni lese ilahle sidleke sayo.

Jeremiya 2:31

“Nine balesitukulwane, zindlani ngelivi laSimakadze lelitsi: Mine bengilihlane yini ku-Israyeli, nome-ke live lebumnyama lobukhulu? Sive sami sisholani kutsi: ‘Sikhululekile kutsi singajangaza, singeke siphindze site kuwe’?

Makho 14:31

Kepha Phetro wagcizelela watsi: “Nome bangangibulala kanye nawe, mine ngeke ngikuphike.” Bafundzi bonkhe basho njalo.

Lukha 22:35

Wase utsi Jesu kubo: “Mhlazana nginitfuma ngitsi ningaphatsi sipatji, nesikhwama, neticatfulo, nake neswelani?” Baphendvula batsi: “Kute lesakweswela.”