1 Emakhosi 11:21 - Siswati 1996 Bible

²¹ Ngesikhatsi Hadadi aseseGibhithe, wabe sewuyeva kutsi Davide, inkhosi, sewukhotseme, nekutsi Jowabe, indvuna yemphi, naye akasekho, sewufile. Hadadi wase ukhuluma kuFaro utsi: “Ngikhulule ngihambe, kuze ngibuyele eveni lakitsi.”

1 Emakhosi 11:21 ပူးပေါင်းရင်းမြစ်များ

Genesisi 45:24

Wase uyabahambisa labomnakabo, batsi nase besuka wabayala watsi: “Ningabohambe nilwa endleleni.”

2 Samuweli 3:21

Abneri wakhuluma kuDavide, watsi: “Ngicela kutsi ngihambe khona nyalo inkhosi yami ngiyihlanganisele Israyeli wonkhe, khona sitekwenta sivumelwane kanye nawe, nekutsi utewubusa etikwako konkhe lokufisako.” Ngako Davide wase uhambisa Abneri; wahamba ngekuthula.

1 Emakhosi 11:20

DzadzewaboThapenesi wamtalela indvodzana, wayetsa libito watsi nguGenubathi, wase ukhuliswa yinkhosikati Thapenesi, ebukhosini. Genubathi-ke wakhula kanye nebantfwabaFaro.

1 Emakhosi 11:22

Faro wambuta watsi: “Yini loyeswelako lapha, kutsi ungaze ucele kuhamba ubuyele eveni lakini?” Hadadi wamphendvula watsi: “Kute, kodvwa ngikhulule ngihambe!”

1 Emakhosi 2:10

Davide wase uyakhotsama, wangcwatjwa eDolobheni laDavide.

1 Emakhosi 2:34

Ngako Bhenaya, umsa waJehoyada, wahamba wafike wabulala Jowabe; wangcwatjwa eveni lakhe, ehlane.

Eksodusi 4:19

Mosi asekaMidiyani, Simakadze abeke wakhuluma watsi: “Ncandzeka ubuyele eGibhithe, ngobe bonkhe labo bebafuna kukubulala sebafile.”

Matewu 2:20

itsi: “Vuka! Tsatsa umntfwana nenina, ubuyele eveni laka-Israyeli, ngobe labo bebafuna kubulala umntfwana sebafile.”

Joshuwa 2:21

Rahabi waphendvula watsi: “Ngiyavuma, akube njengobe nisho nine.” Ngako wase uyatihambisa letinhloli, tahamba. Wase ubopha lentsambo lebovu kulelo fasitelo.

1 Samuweli 9:26

Samuweli wavuka ekuseni ngeluvivi, wenyukela kuSawula labesendlini lesetulu, wafike watsi: “Tilungiselele, sengitakubuyisela ekhaya.” Watsi kube Sawula atilungiselele, yena naSamuweli base baphumela ngaphandle kanyekanye.