1 Emakhosi 10:25 - Siswati 1996 Bible

²⁵ Umnyaka ngemnyaka, wonkhe labeta kuye abefika nesipho: tintfo letentiwe ngesiliva, nangegolide, nemijiva, netikhali, netinandzisi, nemahhashi kanye neminyuzi.

1 Emakhosi 10:25 ပူးပေါင်းရင်းမြစ်များ

Genesisi 36:24

Sibeyoni abenemadvodzana lamabili bo-Aya, na-Ana. Ngulo-Ana lowatsi eluse timbongolo teyise, Sibeyoni, watfola manzana ehlane.

2 Samuweli 8:10

Thoyi wase utfumela indvodzana yakhe Joramu kuDavide, inkhosi, kutsi iyekumbingelela iphindze imhalalisele ngekuncoba kwakhe emphini yabo naHadadezeri. Hadadezeri abeke walwa naThoyi ngaphambili. Joramu waphatsela Davide tintfo tesiliva, netegolide, netelitfusi.

2 Samuweli 8:2

Davide wachubeka wahlasela nemaMowabi, wawehlula. Abebalalisa phansi emhlabatsini, bese ubulala babili njalo kulabatsatfu baletitfunjwa. Ngako emaMowabi ase aba ngaphansi kwakhe, aletsa imitselo yawo kuDavide.

1 Emakhosi 1:33

yakhuluma kubo yatsi: “Tsatsani tinceku tenkhosi yenu, nigibelise Solomoni, indvodzana yami, etikwemnyuzi wami, nimsingatse nehle naye, niye eGihoni.

1 Emakhosi 10:10

Indlovukazi yase ipha inkhosi Solomoni igolide leyayingemakhilogremu labengaba ti-4 000, nemidlidlimba yetinandzisi kanye nematje laligugu. Akuzange kuphindze kufike tinandzisi letase taba tinyenti kwendlula leto letake tetfulwa yindlovukazi yaseSheba enkhosini Solomoni.

1 Emakhosi 18:5

Ahabi abekhulume ku-Obadiya, watsi: “Asihambe sidzabule live ekhatsi, siye kuyo yonkhe imitfombo netihosha. Mhlawumbe kukhona lapho singatfola khona tjani bekondla emahhashi neminyuzi, kuze singabikho sidzingo sekutibulala letifuyo tetfu.”

1 Emakhosi 5:1

Watsi kube Hiramu, inkhosi yaseThire, eve kutsi Solomoni sewugcotjiwe kutsi atsatse sikhundla seyise Davide, watfumela emancusa akhe kuSolomoni, ngobe abeloku angumngani waDavide.

2 Emakhosi 17:4

Kodvwa inkhosi yase-Asiriya yase iyatfola kutsi Hosheya abelimbuka, ngobe abetfumele emancusa eSayisi kuyo inkhosi yaseGibhithe, wangabe asatsela kulenkhosi yase-Asiriya, njengobe bekenta iminyaka ngeminyaka. Ngako-ke Shalmaneseri wambamba, wamvalela ejele.

2 Tikhronike 26:8

Ema-Amoni aletsa tetfulo ku-Uziya, ludvumo lwakhe lwandza lwaze lwefika khashane eminyeleni yaseGibhithe, ngobe abesanemandla kakhulu.

2 Tikhronike 9:24

Umnyaka ngemnyaka, wonkhe labeta kuye abefika nesipho: tintfo letentiwe ngesiliva nangegolide, nemijiva, netikhali, netinandzisi, nemahhashi kanye neminyuzi.

Ezra 2:66

Babenemahhashi langema-736, neminyuzi lengema-245,

Esta 8:10

Modekhayi watibhala tonkhe letincwadzi egameni lenkhosi Ahashiveroshi, watingcivita ngendandatho yeluphawu lwenkhosi. Kwakhishwa emancusa labegibele emahhashi enkhosi elikhetselo lagijima kakhulukati.

Esta 8:14

Tigijimi nemancusa lakhishwa yinkhosi abegibele emahhashi enkhosi lagijima kakhulukati. Lesimemetelo sasebukhosini sasicilelwa samenyetelwa satiwa nangibo bonkhe bantfu baseSusa lekwakuyinhlokodolobha yembuso.

Jobe 42:11

Bonkhe bomnakabo, nabodzadzewabo, nabo bonkhe lababemati kucala beta kuye badla naye endlini yakhe. Bamkhalela, bamdvudvuta kuko konkhe loko kuhlupheka Simakadze labekuletse etikwakhe; kwatsi lowo nalowo wamupha luhlavu lwesiliva kanye nendandatho yegolide.

Tihlabelelo 68:29

ngesikhatsi usethempelini lakho, eJerusalema, emakhosi atakuletsela tipho takho khona.

Tihlabelelo 72:10

Shangatsi emakhosi aseThashishi nasetichingini, angetfula tipho kuyo. Shangatsi emakhosi aseSheba newaseSeba angetfula kuyo imitselo yawo.

Tihlabelelo 72:15

Shangatsi ingakhula idzimate ikhokhobe, iphiwe negolide yaseSheba. Shangatsi ingathandazelwa njalonjalo, icelelwe tibusiso taNkulunkulu ngato tonkhe tikhatsi.

Isaya 36:16

“Inkhosi yase-Asiriya itsi: ‘Ningamlaleli Hezekiya, yentani sivumelwane nami, niphume nite kimi, nguleyo naleyo ndvodza-ke iyawube seyitidlela kahle esivinini sayo, nasemkhiwaneni wayo, inatse nemanti laphuma emtfonjeni wayo,

Isaya 66:20

Bayawuletsa bonkhe bomnakenu, babakhipha kuto tonkhe tive, babayise entsabeni yami lengcwele eJerusalema, babe ngumnikelo kuSimakadze. Bayawubetfwala ngemahhashi, nangetincola temphi, nangetinkalishi, nangeminyuzi, nangemakamela,” kusho Simakadze. “Bayawuta nabo njengema-Israyeli nakaletsa iminikelo yawo yalokutinhlavu ngetitja letihlantekile ngekwemtsetfo, ateyetfula ethempelini laSimakadze.

Hezekeli 27:14

“ ‘Emadvodza aseBhethi Togama ashintjiselana nawe ngemahhashi emisebenti, newemphi nangeminyuzi ngetimphahla takho.

Matewu 2:11

Tangena endlini, tabona umntfwana naMariya, unina. Taguca phansi, tadvumisa iNkhosi; tase tivula tikhwama tato, tamupha tipho: igolide, nemphepho, nemakha.

Tikhulu 3:15

Aphindza futsi ema-Israyeli akhala kuSimakadze, wase ubapha umkhululi, Ehudi, labelancele, umsa waGera, wesive sakaBhenjamini. Ema-Israyeli amtfumela netetfulo ku-Egloni, inkhosi yakaMowabi.

1 Samuweli 10:27

Kodvwa labanye belutfutfuva babebuta batsi: “Kodvwa lomuntfu angasisindzisa kanjani?” Bamedzelela, bangete baletsa ngisho nasinye setfulo. Kodvwa Sawula watithulela nje.