1 Emakhosi 10:18 - Siswati 1996 Bible

¹⁸ Inkhosi yabe seyenta lesikhulu sihlalo sebukhosi; yasakha ngematinyo endlovu, yabe seyisembesa ngegolide lecolisakele.

1 Emakhosi 10:18 ပူးပေါင်းရင်းမြစ်များ

1 Emakhosi 10:19

Sihlalo sebukhosi sasinetitebhisi letisitfupha, kutsi lingemuva laso ngetulu libe nesihloko lesiyindingilizi. Lapha emaceleni lesihlalo sasinekwekubeka imikhono, eceleni kwaloko naloko kume libhubesi.

1 Emakhosi 10:22

Inkhosi yayinelubhuzane lwemikhumbi yekuhweba elwandle, ikanye nalena yaHiramu. Kanye ngeminyaka lemitsatfu yayibuya yetfwele igolide, nesiliva, nematinyo endlovu, netinkawu kanye netimfene.

1 Emakhosi 22:39

Leminye imininingwane ngekubusa kwa-Ahabi lefaka konkhe lakwenta, nesigodlo lasakha wasihlobisa ngematinyo endlovu, nemadolobha lawakhela tinqaba, kubhaliwe encwadzini yemilandvo yemakhosi aka-Israyeli.

Tihlabelelo 110:1

Simakadze watsi enkhosini yami: “Hlala lapha ngesekudla sami, ngize ngifake titsa takho ngaphansi kwetinyawo takho.”

Tihlabelelo 122:5

Ngulapho kuhlala khona tihlalo tebukhosi tekwehlulela, tihlalo tebukhosi tendlu yaDavide.

Tihlabelelo 45:6

Sihlalo sakho sebukhosi, Nkulunkulu, saphakadze naphakadze, kubusa kwakho kumsulwa, akukhetsi.

Tihlabelelo 45:8

Tonkhe tingubo takho titselwe ngemakha emure, newenhlaba, newemphepho. Esigodlweni lesihlotjiswe ngekwematinyo endlovu, kuvakala tintsambo letikhala kamnandzi naletitfokotisako.

Hezekeli 27:6

Ngema-okhi aseBhashani bakwentela emaphini ekugwedla. Ngetigodvo temsayipuresi lesuka elusentseni lwaseSiphrosi benta indzawo yakho yekuhambahamba emkhunjini, yahlotjiswa ngematinyo etindlovu.

Amose 6:4

Nilala emibhedzeni lehlotjiswe ngematinyo etindlovu, nicambalale etihlalweni tenu tekuphumula, nititika ngenyama yemawundlu elikhetselo nangeyematfokati lakhuluphalisiwe.

KumaHebheru 1:3

LeNdvodzana ibonakalisa bukhosi nebunjalo bonkhe baNkulunkulu. Isimise indalo yonkhe ngelivi layo lelinemandla. Yatsi kube yente intsetselelo yetono tebantfu, yahlala ezulwini ngesekudla saNkulunkulu Somandla.

KumaHebheru 1:8

Kodvwa ngeNdvodzana utsi: “Sihlalo sakho sebukhosi, Nkulunkulu, sisaphakadze naphakadze. Kulunga yindvuku yebukhosi bakho lobusa ngayo bantfu bakho.

Sembulo 18:12

imphahla yegolide, neyesiliva, neyematje ladulile, neyemapharele, neyelineni lecolisakele, nalebubendze, neyesilika, nalebovu, neyato tonkhe tihlahla temakha, naletentiwe ngematinyo etindlovu, nato tonkhe letilitfusi, netensimbi, netemabuli,

Sembulo 20:11

Ngase ngibona lesikhulu sihlalo sebukhosi lesimhlophe, nalohleti kuso. Lizulu nemhlaba kwambalekela kwanyamalala ebusweni bakhe, akuzange kuphindze kutfolakale ndzawo.