1 Emakhosi 1:52 - Siswati 1996 Bible

⁵² Solomoni waphendvula, watsi: “Nangabe phela atibonakalisa ayindvodza leyetsembekile, ngisho nelunwele lunye lwenhloko yakhe lungeke luwele phansi; kodvwa nakutfolakala lokubi kuye, utakufa.”

1 Emakhosi 1:52 ပူးပေါင်းရင်းမြစ်များ

2 Samuweli 14:11

Waphendvula watsi: “Nkhosi, ngicela kutsi uthandaze kuSimakadze Nkulunkulu wakho, kutsi lesihlobo sami lesifuna kukhokha sibhongo ngekubulala lendvodzana yami, singengeti bubi ngekubulala lena lenye indvodzana yami.” Inkhosi yatsi: “Ngifunga kuphila kwaSimakadze ngitsi, ngisho lunwele lunye enhloko yendvodzana yakho lungeke luwele emhlabatsini.”

1 Emakhosi 1:51

Solomoni watjelwa ngaleyo ndzaba, kwatsiwa: “Adoniya wesaba inkhosi Solomoni, sewunkonkoshele timphondvo telilati, utsi: ‘Inkhosi Solomoni ayifunge kimi lamuhla kutsi inceku yakhe angeke ayibulale ngenkemba.’ ”

1 Emakhosi 1:53

Ngako Solomoni, inkhosi, watfumela emadvodza, afike amehlisa elatini. Adoniya weta wafike wakhotsama phansi embikwaSolomoni; Solomoni, inkhosi, wakhuluma kuye watsi: “Hamba ubuyele ekhaya lakho.”

Jobe 15:22

Akakholwa kutsi utawubuyela ebumnyameni. Vele, uyawuphelela enkembeni.

Taga 13:6

Kulunga kuyamgadza lophila ngendlela lecondzile; kodvwa sono siyabawisa lababi.

Taga 21:12

Nkulunkulu, Sokulunga, uyakwati lokwentekako emitini yalababi; yebo, uyababhubhisa lababi.

Matewu 10:30

Kodvwa kini kubalwe ngisho netinwele tonkhe tenhloko yenu.

Lukha 21:18

Kodvwa kute nome lunye nje lunwele loluyawulahleka etinhloko tenu.

Imisebenti yebaPhostoli 27:34

Ngako-ke ngiyanicela kutsi nidle, nidzinga kudla khona nitewuba nemandla. Ngeke kulahleke ngisho nalunye lunwele lwetinhloko tenu.”

1 Samuweli 14:45

Kodvwa lamadvodza akhuluma kuSawula, atsi: “Jonathani sekufanele afe, yena lona losindzise sive sema-Israyeli kangaka? Cha, ngeke! Setsembisa ngaSimakadze kutsi kute ngisho nelunwele lwenhloko yakhe lolutakuwela phansi emhlabatsini, ngobe loku lakwente lamuhla uphumelele ngekusitwa nguNkulunkulu.” Lamadvodza amsindzisa Jonathani, akazange abulawe.