1 Emakhosi 1:45 - Siswati 1996 Bible

⁴⁵ BoSadoki, umphristi, naNathani, umphrofethi, sebamgcobe eGihoni kutsi abe yinkhosi. Besuke lapho ngekujabula, lidolobha nalo lananatela loko kujabula. Nguwo nje lomsindvo leniwuvako.

1 Emakhosi 1:45 ပူးပေါင်းရင်းမြစ်များ

1 Emakhosi 1:40

Bonkhe bantfu benyuka bamlandzela, bashaya nemintjingozi bajabule kakhulu, kwaze kwanyakata ngisho nemhlaba ngenca yemsindvo.

1 Emakhosi 1:44

Inkhosi itfumele boSadoki, umphristi, naNathani, umphrofethi, naBhenaya, umsa waJehoyada, nemaKherethi kanye nemaPhelethi, bamgibelisa emnyuzini wayo inkhosi.

1 Emakhosi 14:6

Ngako kwatsi kube Ahiya eve tigi tekuhamba kwakhe emnyango, wakhuluma watsi: “Ngena, mkaJerobowamu. Utentiselani? Ngitfunywe kuwe kutsi ngikutjele tindzaba letimbi.

Ezra 3:13

Kute labengenta umehluko emkhatsini wekutsi lomsindvo wawuwekujabula yini nome wawuwekukhala, ngobe bantfu benta umsindvo lomkhulu kakhulu. Lomsindvo wevakala khashane.

1 Samuweli 28:14

Sawula wasibuta watsi: “Unjani?” Lesangoma samphendvula satsi: “Likhehla lelidzala lelembetse umjiva, liyakhuphuka.” Ngako Sawula wavele wati kutsi nguSamuweli; wakhotsama wawa phansi ngebuso.

1 Samuweli 4:5

Latsi libhokisi lesivumelwane saSimakadze nalifika enkambu, onkhe ema-Israyeli aphakamisa ludvumo amemeta ngemsindvo lomkhulu kangangekutsi kwadzimate kwatamatama umhlaba.