1 Emakhosi 1:37 - Siswati 1996 Bible

³⁷ Njengobe Simakadze abenenkhosi yami, shangatsi angaba naye naSolomoni, khona atekwenta sihlalo sakhe sebukhosi sibe sikhulu kakhulu kunesihlalo sebukhosi senkhosi yami, inkhosi Davide!”

1 Emakhosi 1:37 ပူးပေါင်းရင်းမြစ်များ

2 Samuweli 24:3

Kodvwa Jowabe wayiphendvula inkhosi, watsi: “Shangatsi Simakadze Nkulunkulu wakho angawandzisa lamabutfo awaphindze kalikhulu, shangatsi futsi nemehlo enkhosi yami, inkhosi, angakubona loko. Kodvwa ngempela inkhosi yami, inkhosi, ifunelani kwenta intfo lenje?”

1 Emakhosi 1:36

Bhenaya, umsa waJehoyada, waphendvula inkhosi, watsi: “Amen! Akube njalo! Shangatsi loko Simakadze, Nkulunkulu wenkhosi yami, lakushoko kungaba njalo!

1 Emakhosi 1:47

ngisho netindvuna tasebukhosini setifikile kutawuhalalisela inkhosi yetfu, Davide, tafike tatsi: ‘Shangatsi Nkulunkulu wakho angenta libito laSolomoni lidvume, latiwe kakhulu kunelakho, nesihlalo sakhe sebukhosi sibe sikhulu kakhulu kunesakho!’ Nenkhosi ivele yakhotsama khona embhedzeni wayo,

2 Emakhosi 2:9

Batsi kube bewele, Elija wakhuluma ku-Elisha, watsi: “Ase ungitjele, ufuna ngikwenteleni ngisengakasuswa kuwe?” Elisha waphendvula, watsi: “Ngicela kutsi ungiphe sabelo sebundlalifa semoya wakho sesiphindvwe kabili.”

1 Tikhronike 28:20

Davide waphindze wakhuluma kuSolomoni, indvodzana yakhe, watsi: “Cina, ube nesibindzi, wente lomsebenti. Ungesabi, futsi ungapheli emandla, ngobe Simakadze Nkulunkulu, longuNkulunkulu wami, unawe. Angeke akujabhise, futsi angeke akulahle, kuze kuphele wonkhe umsebenti wekukhonta ethempelini laSimakadze.

1 Tikhronike 29:25

Simakadze waphakamisa Solomoni kakhulu embikwema-Israyeli onkhe, wametfwesa bukhosi lobukhulu, kute ngisho nayinye inkhosi leyase yaba nabo ngembili kwakhe.

2 Tikhronike 1:1

Solomoni, umsa waDavide, watimisela umbuso locinile, ngobe Simakadze Nkulunkulu wakhe abenaye, wamenta waba mkhulu kakhulu.

Tihlabelelo 46:11

Nkulunkulu Somandla unatsi, Nkulunkulu waJakobe usiphephelo setfu. Cabanga.

Tihlabelelo 46:7

Nkulunkulu Somandla unatsi, Nkulunkulu waJakobe usiphephelo setfu. Cabanga.

Tihlabelelo 72:8

Shangatsi bukhosi bayo bungagcwala umhlaba, busuke elwandle buye bufike elwandle lolunye; busuke eMfuleni, buze bufike ekugcineni kwemhlaba.

Tihlabelelo 89:27

Ngiyawumenta abe litubulo, abe yinkhosi lephakeme kunemakhosi emhlaba.

Eksodusi 3:12

Nkulunkulu watsi: “Mine, ngitawuba nawe. Nasi-ke sibonakaliso loyawubona ngaso kutsi ngimi lona lokutfumile: Kuyawutsi nase ubakhiphile bantfu bami eGibhithe, bese niyeta nifike ningikhonte kulentsaba.”

Isaya 8:10

Takheleni emasu enu, kodvwa atakwehlulekiswa; yentani emachinga enu, kodvwa ngeke aphumelele; ngobe Nkulunkulu unatsi.

Danyela 7:14

Wanikwa emandla ekubusa, nenkhatimulo, nebukhosi. Bonkhe bantfu, netive, nebantfu bato tonkhe tilwimi bakhotsama kuye bamkhonta. Kubusa kwakhe kukubusa kwaphakadze naphakadze lokungasoze kwaphela, nembuso wakhe ngulowo longasoze wacitfwa.”

Matewu 1:23

“Bheka, intfombi iyawukhulelwa itale indvodzana, libito layo kuyawutsiwa ngu-Imanuweli,” lokusho kutsi: “Nkulunkulu unatsi.”

KubaseRoma 8:31

Siyawutsini-ke ngaloku? Nangabe Nkulunkulu angakitsi ngubani longamelana natsi?

Joshuwa 1:17

Njengobe naMosi sasimlalela ngalokuphelele, nawe sitakulalela sikuhloniphe. Kuphela nje, Simakadze Nkulunkulu wakho akabe nawe, njengaloku abenaye naMosi.

Joshuwa 1:5

Kute namunye loyawukhona kumelana nawe, tonkhe tinsuku tekuphila kwakho. Ngiyakuba nawe, njengobe nganginaye naMosi. Ngingeke ngikushiye, futsi ngingeke ngikulahle.

1 Samuweli 20:13

Kodvwa nangabe babe afuna kukulimata, shangatsi Simakadze angangijezisa ngekungibulala, nangabe ngingakakwatisi bese ngiyakukhulula kutsi uhambe uphephile. Shangatsi Simakadze angaba nawe, njengobe abenababe.