1 Emakhosi 1:36 - Siswati 1996 Bible

³⁶ Bhenaya, umsa waJehoyada, waphendvula inkhosi, watsi: “Amen! Akube njalo! Shangatsi loko Simakadze, Nkulunkulu wenkhosi yami, lakushoko kungaba njalo!

1 Emakhosi 1:36 ပူးပေါင်းရင်းမြစ်များ

2 Samuweli 8:18

Bhenaya, umsa waJehoyada, abephetse emaKherethi nemaPhelethi, emadvodzana aDavide wona abeliqoqo.

1 Emakhosi 1:35

Nitawube senenyuka naye; nguye lotakuta atewuhlala esihlalweni sami sebukhosi, abuse esikhundleni sami. Sengimbeke inkhosi etikwa-Israyeli naJuda.”

1 Emakhosi 1:37

Njengobe Simakadze abenenkhosi yami, shangatsi angaba naye naSolomoni, khona atekwenta sihlalo sakhe sebukhosi sibe sikhulu kakhulu kunesihlalo sebukhosi senkhosi yami, inkhosi Davide!”

1 Tikhronike 17:27

Manje-ke shangatsi kungakujabulisa kubusisa indlu yenceku yakho kuze ichubeke njalo embikwakho; ngobe wena Simakadze uyibusisile, futsi iyawubusiseka phakadze naphakadze.”

Tihlabelelo 18:2

Simakadze, ulidvwala lami, nenqaba yami, neMkhululi wami. Nkulunkulu wami, ulidvwala lami lengiphephela kulo. Usihlangu sami sekungivikela nemandla ensindziso yami. Yena ungumgedze wami wekubhaca.

Tihlabelelo 63:1

Nkulunkulu, wena unguNkulunkulu wami! Ngifuna wena. Umphefumulo wami womele wena, umtimba wami ulambele wena, eveni lelomile naleligagadzekile, live lelite emanti.

Tihlabelelo 72:19

Alibongwe libito lakhe lenkhatimulo, libongwe kuze kube phakadze, shangatsi umhlaba wonkhe ungagcwala inkhatimulo yakhe. Amen! Yebo, Amen!

Tihlabelelo 89:20

Ngimtfolile Davide, inceku yami, sengimgcobe ngemafutsa ami langcwele.

Tihlabelelo 89:26

Uyawukhala kimi atsi: ‘Wena unguBabe, unguNkulunkulu wami, nelidvwala lensindziso yami.’

Jeremiya 11:5

Mine ngiyawube ngifeza sifungo lengasenta kubokhokho benu, kutsi ngibanike live leligcwele lubisi neluju lwetinyosi,’ lekulive lenu lamuhla.” Ngaphendvula ngatsi: “Amen, Simakadze.”

Jeremiya 28:6

Watsi: “Amen! Shangatsi Simakadze angenta njalo! Shangatsi Simakadze angawagcwalisa lawo mavi lowaphrofethe ngekubuyisa letimphahla tasendlini yaSimakadze nabo bonkhe labatfunjwa besuswa eBhabhulona baletfwa kulendzawo.

Matewu 28:20

nibafundzise kugcina konkhe lenginiyale ngako. Nibokwati kutsi mine nginani onkhe emalanga, kuze kube ngusekupheleni kwetikhatsi.”

Matewu 6:13

Ungasingenisi ekulingweni, kodvwa usisindzise kulokubi. [Ngobe umbuso wakho, nemandla, nebukhosi, kuze kube phakadze. Amen.]’

1 kubaseKorinthe 14:16

Ngobe nawobonga Nkulunkulu usemoyeni, lona lote letipho angasho kanjani kutsi: “Amen,” kulokubonga kwakho? Ingani phela akakuva loko lokushoko.

1 Samuweli 25:29

Nome ngabe kukhona lokucosha ngemuva afuna kukubulala, kuphila kwenkhosi yami Simakadze Nkulunkulu wakho utakuvikela ngekutsi akubophe inyandza kanye nalabaphilako. Kodvwa kuphila kwetitsa takho utakujikijela akulahle khashane njengelitje liphuma esidubulelweni.