1 Emakhosi 1:17 - Siswati 1996 Bible

¹⁷ Wakhuluma kuyo watsi: “Nkhosi yami, wena, cobo lwakho, wafunga kimi, mine ncekukati yakho, ngaSimakadze Nkulunkulu wakho, watsi: ‘Solomoni, indvodzana yakho, uyawuba yinkhosi emvakwami, ahlale esihlalweni sami sebukhosi.’

1 Emakhosi 1:17 ပူးပေါင်းရင်းမြစ်များ

Genesisi 18:12

Sara watihlekela nje, wadzimate watsi: “Manje sengimdzala kangaka, nenkhosi yami seyigugile, utsi ngingabe ngisaba nayo lenjabulo?”

1 Emakhosi 1:13

Hamba uyewungena enkhosini Davide, ufike ukhulume kuye utsi: ‘Nkosi yami, awuzange ufunge yini kimi, mine ncekukati yakho, watsi: “Impela Solomoni, indvodzana yakho, iyawuba yinkhosi emvakwami, ihlale esihlalweni sami sebukhosi”? Pho, sekwenteke kanjani manje kutsi Adoniya bese uba yinkhosi?’

1 Emakhosi 1:14

Utawutsi uselapho ukhuluma nenkhosi, ngite nami ngingene ngitewucinisa loko bewukusho.”

1 Emakhosi 1:16

Bhatisheba wakhotsama waguca embikwenkhosi. Inkhosi yambuta yatsi: “Ufunani?”

1 Emakhosi 1:18

Kodvwa manje Adoniya sewuyinkhosi, kodvwa inkhosi yami ayikwati loko.

1 Emakhosi 1:30

lamuhla ngitasigcina leso setsembiso lengasenta kuwe egameni laSimakadze Nkulunkulu wema-Israyeli, kutsi Solomoni, indvodzana yakho, nguye lotawuba yinkhosi emvakwami, ahlale esihlalweni sami sebukhosi esikhundleni sami.”

1 yaPhetro 3:6

Abenta njalo-ke naSara, ahlonipha Abrahama, ambita ngekutsi “yinkhosi” yakhe, lese naba bakhe nanenta lokulungile, ningesatjiswa lutfo.