Yoane 4:24 - BIBLIA Maandiko Matakatifu Kwa Watu Wote 2002

²⁴ Mungu ni roho, nao wanaomwabudu wanapaswa kumwabudu katika roho na ukweli.”

Yoane 4:24 ပူးပေါင်းရင်းမြစ်များ

Zaburi 145:18

Yawe yuko karibu na wote wanaomwomba, wote wale wanaomwomba kwa uaminifu.

Zaburi 50:23

Anayenitolea shukrani kama sadaka yake, huyo ndiye anayenitukuza; yeyote anayedumu katika njia yangu, huyo ndiye nitakayemwokoa.”

Zaburi 51:17

Ee Bwana, uniwezeshe kusema, midomo yangu itangaze sifa zako.

Zaburi 66:18

Kama ningalikusudia maovu ndani ya moyo, Yawe hangalinisikiliza.

Isaya 57:15

Hivi ndivyo anavyosema Mungu anayekuwa juu kabisa, anayeishi milele na ambaye jina lake ni Mutakatifu: Mimi ninakaa kule juu, Pahali Patakatifu, ninakaa vilevile na wenye majuto na wanyenyekevu. Mimi nitawatia moyo wanaokuwa wanyenyekevu na kuwapa nguvu wenye majuto.

Yoane 4:23

Lakini kutakuwa wakati, nao umekwisha kutimia, wale wanaoabudu kwa kweli watakapomwabudu Baba katika roho na ukweli; kwa maana Baba anataka watu wanaoabudu kwa namna ile.

2 Wakorinto 1:12

Jambo ambalo tunajivunia ni hili: zamiri yetu inayotuhakikishia kwamba tumeishi katika dunia na zaidi kati yenu katika uaminifu na ukweli tulivyojaliwa na Mungu. Sisi hatukuongozwa na hekima ya kimutu lakini na neema ya Mungu.

2 Wakorinto 3:17

Hapa “Bwana” ni Roho; na pahali Roho wa Bwana anapokaa, pale kuna uhuru.

Wafilipi 3:3

Sisi ndio wenye kutahiriwa kwa kweli, maana tunamwabudu Mungu kwa uongozi wa Roho wake na kujivuna kwa ajili ya Yesu Kristo. Sisi hatuweki tumaini letu katika mambo ya kimwili.

1 Timoteo 1:17

Kwa Mufalme wa milele, asiyeweza kufa, asiyeonekana, Mungu peke yake, ikuwe heshima na utukufu milele na milele! Amina.

1 Samweli 16:7

Lakini Yawe alimwambia: “Usiangalie sura yake wala urefu wake. Mimi nimemukataa maana siangalii mambo kama vile wanadamu wenye kufa wanavyoangalia. Mwanadamu anaangalia umbo la inje, lakini mimi ninaangalia ndani ya moyo.”