Yakobo 5:13 - BIBLIA Maandiko Matakatifu Kwa Watu Wote 2002

¹³ Kati yenu kuna mutu anayekuwa katika mateso? Aombe kwa Mungu. Au kuna mutu anayekuwa katika furaha? Aimbe nyimbo za sifa.

Yakobo 5:13 ပူးပေါင်းရင်းမြစ်များ

1 Mambo ya Siku 16:9

Mushangilie, mumwimbie Mungu sifa; mueleze matendo yake ya ajabu!

Yobu 33:26

Kisha atamwomba Mungu na kukubaliwa, atakuja mbele yake kwa furaha, na Mungu atamurudishia utukufu wake.

Zaburi 105:2

Mushangilie, mumwimbie Mungu sifa, mueleze matendo yake ya ajabu!

Zaburi 118:5

Katika taabu yangu nilimwomba Yawe, naye akanisikia na kuniweka huru.

Zaburi 18:6

kamba za kuzimu zilinizunguka, mitego ya kifo ilikuwa mbele yangu.

Zaburi 50:15

Uniite wakati wa taabu, nami nitakuokoa, nawe utanitukuza.”

Zaburi 91:15

Akiniita, mimi nitamwitikia; akikuwa katika taabu nitakuwa pamoja naye, nitamwokoa na kumupa heshima.

Zaburi 95:2

Tuende mbele yake na nyimbo za shukrani; tumushangilie kwa nyimbo za sifa.

Isaya 65:14

Watumishi wangu wataimba kwa furaha ndani ya moyo, lakini ninyi mutalia kwa uchungu ndani ya moyo na kupiga kelele kwa uchungu mukubwa ndani ya roho.

Danieli 5:4

Walikunywa na kusifu sanamu za miungu iliyotengenezwa na zahabu, feza, shaba, chuma, miti na mawe.

Hosea 6:1

Halafu watasema: Tuende tumurudilie Yawe! Yeye mwenyewe ameturarua, lakini yeye mwenyewe atatuponyosha. Yeye mwenyewe ametuumiza, lakini yeye mwenyewe atatunza vidonda.

Yona 2:2

Basi, Yona akiwa ndani ya tumbo la samaki yule, akamwomba Yawe Mungu wake,

Yona 2:7

Niliteremuka mpaka kwenye misingi ya milima, katika inchi ambayo milango yake imefungwa milele. Lakini wewe, ee Yawe, Mungu wangu, umenipandisha nikiwa muzima kutoka mule ndani ya shimo.

Mika 4:5

Mataifa mengine yanafuata njia zao, kwa kuitegemea miungu yao, lakini sisi tunafuata njia zetu kwa kumutegemea Yawe, Mungu wetu, milele na milele.

Matayo 26:30

Nao walipokwisha kuimba, wakaondoka kwenda kwa mulima wa Mizeituni.

Luka 22:44

Yesu alikuwa katika uchungu mukubwa, akazidi kuomba kwa bidii. Jasho iliyomutoka ikakuwa kama matone ya damu yaliyokuwa yakitiririka mpaka chini.]

Luka 23:42

Na akaongeza kusema: “Ee Yesu, usinisahau wakati utakapokuja katika ufalme wako!”

1 Wakorinto 14:15

Basi ninapaswa kufanya nini? Nitaomba katika roho na katika akili vilevile. Nitaimba katika roho na katika akili vilevile.

1 Wakorinto 14:26

Wandugu zangu, niseme nini basi? Wakati munapokusanyika kwa ibada, mumoja anaweza kuimba wimbo, mwingine kufundisha, mwingine kutoa ufunuo, mwingine kusema kwa luga za ajabu na mwingine anaweza kutafsiri. Na hayo yote yanapaswa kufanyika katika nia ya kujenga kanisa katika imani.

Waefeso 5:19

Munapoongea, museme maneno ya zaburi, mumusifu Bwana na kumwabudu kwa nyimbo za kiroho. Mumwimbie na kumushangilia kwa moyo wenu wote.

Waebrania 5:7

Wakati Yesu alipoishi katika dunia, aliomba na kusihi kwa malalamiko makubwa pamoja na kutoa machozi kwa Mungu ambaye angeweza kumwokoa toka katika kifo. Mungu alimusikia Yesu kwa sababu yeye alimuheshimu.

Yakobo 5:10

Wandugu zangu, mukumbuke manabii waliotabiri kwa jina la Bwana, muangalie namna walivyovumilia katika mateso, nanyi mufuate mufano wao.

Ufunuo 14:3

Wale watu elfu mia moja makumi ine na ine waliimba wimbo mupya mbele ya kile kiti cha kifalme na mbele ya vile viumbe vine vya ajabu na ya wale wazee. Hakuna mutu aliyeweza kujifunza wimbo ule, isipokuwa wale watu elfu mia moja makumi ine na ine waliokombolewa katika dunia.

Ufunuo 7:10

Nao walilalamika hivi kwa sauti kubwa: “Wokovu wetu unatoka kwa Mungu wetu anayeikaa juu ya kiti cha kifalme na kwa Mwana-Kondoo!”