Mezali 17:3 - BIBLIA Maandiko Matakatifu Kwa Watu Wote 2002

³ Zahabu na feza vinapimwa kwa moto, lakini Yawe ndiye anayepima mioyo ya watu.

Mezali 17:3 ပူးပေါင်းရင်းမြစ်များ

1 Mambo ya Siku 29:17

Ninajua, Mungu wangu, kwamba wewe unapima moyo, nawe unapendezwa na uaminifu. Nami, katika uaminifu wa moyo wangu nimetoa vitu hivi vyote kwa mapenzi yangu, na sasa ninaona watu wako wanaokuwa hapa, wakikutolea kwa mapenzi yao na furaha.

Yobu 23:10

Lakini yeye anajua njia ninayofuata; atakapomaliza kunipima nitatoka mule safi kama zahabu.

Yobu 28:1

Hakika kuna nafasi ya kuchimba feza, na pahali ambako zahabu inasafishwa.

Zaburi 139:23

Unichunguze, ee Mungu, unijue moyo wangu, unipime, uyajue mawazo yangu.

Zaburi 26:2

Unijaribu, ee Yawe, na kunipima; uchunguze moyo wangu na akili yangu.

Zaburi 66:10

Umetupima, ee Mungu, umetujaribu kama madini kwa moto.

Mezali 15:11

Ikiwa Yawe anajua kuzimu na shimo la kuangamia, mawazo ya mwanadamu yataweza namna gani kujificha mbele yake?

Mezali 16:2

Matendo yote ya mutu yanaonekana kwake kuwa sawa lakini Yawe anapima nia ya mutu.

Mezali 17:2

Mutumwa mwenye hekima atatwaa nafasi ya mwana mupumbafu. Atapata sehemu ya urizi wa jamaa hiyo.

Mezali 21:2

Matendo yote ya mutu ni sawa katika macho yake, lakini Yawe anapima mioyo.

Mezali 27:21

Zahabu na feza vinapimwa kwa moto, na mutu anapimwa kutokana na sifa zake.

Isaya 48:10

Mimi nimekusafisha lakini si kama feza katika furu. Nimewapima katika furu ya taabu.

Yeremia 17:10

Mimi Yawe ninapima akili na kuchunguza moyo wa mutu. Na hivyo ninamutendea kila mumoja, kulingana na mwenendo wake, kadiri ya matendo yake.

Ezekieli 22:18

Wewe mwanadamu! Waisraeli wamekuwa kwangu kama takataka. Wao ni kama takataka inayobaki wakati madini ya shaba, bati, chuma au risasi yanaposafishwa.

Danieli 11:35

Wamoja kati ya wenye hekima watauawa, kusudi wapate kuondolewa uchafu, kutakaswa na kusafishwa, mpaka wakati wa mwisho, ambao sasa bado haujatimia.

ZAKARIA 13:9

Sehemu hiyo moja ya tatu itakayobaki, nitaipima na kuitakasa, kama vile mutu anavyosafisha feza, kama vile wanavyopima zahabu. Halafu wao wataniomba mimi, nami nitawajibu. Nitasema: Hawa ni watu wangu, nao watasema: Yawe, ndiye Mungu wetu.

Kumbukumbu la Sheria 8:16

Tena ni yeye aliyewakulisha mana katika jangwa, chakula ambacho babu zenu hawajapata kukijua. Alifanya hayo yote kusudi awanyenyekeze na kuwajaribu kwa kuwapima apate kuwajalia mema kwa mwisho.

Kumbukumbu la Sheria 8:2

Mukumbuke jinsi Yawe, Mungu wenu, alivyowaongoza katika safari ndefu kupitia katika jangwa kwa muda wa miaka hiyo makumi ine, kusudi awanyenyekeze na kuwajaribu kusudi ajue yanayokuwa ndani ya mioyo yenu, na kama mungeshika amri zake au hapana.

1 Petro 1:7

Majaribu hayo ni kwa ajili ya kupima imani yenu. Zahabu ni kitu kinachoharibika, lakini ingawa vile inapimwa kwa njia ya kuchomwa ndani ya moto. Hivi vilevile imani yenu inayokuwa ya bei kali kuliko zahabu, inapaswa kupimwa kusudi ijulikane kuwa ya kweli. Na kwa sababu hii mutapata sifa, utukufu na heshima wakati Yesu Kristo atakapotokea.

Ufunuo 2:23

Nitawaua wafuasi wake. Na hivi makanisa yote yatajua kwamba mimi ndiye ninayechunguza mioyo ya watu na mafikiri yao. Vilevile yatajua kwamba mimi nitamulipa kila mumoja wenu kufuatana na matendo yake.