Mezali 14:2 - BIBLIA Maandiko Matakatifu Kwa Watu Wote 2002

² Mwenye mwenendo sawa anamwogopa Yawe, lakini mupotovu anamuzarau Mungu.

Mezali 14:2 ပူးပေါင်းရင်းမြစ်များ

2 Samweli 12:9

Kwa nini basi, umezarau neno langu mimi Yawe na kufanya uovu huu mbele yangu? Umemwua Uria wa Hiti kwa upanga, ukamukamata muke wake kuwa muke wako. Umewatumia Waamoni kwa kumwua Uria katika vita!

1 Wafalme 3:6

Solomono akamwambia: “Ulimwonyesha wema mwingi mutumishi wako Daudi, baba yangu, kwa sababu alikutumikia kwa uaminifu, kwa haki na kwa moyo wa usawa; na umedumisha mema yako kwa kumupa mwana anayeikaa sasa kwenye kiti chake cha kifalme.

2 Wafalme 17:34

Hata sasa wanatenda kama vile walivyofanya zamani. Hawamwabudu Yawe, wala hawafuati masharti, maagizo, sheria au amri ambazo yeye Yawe aliwaamuru wana wa Yakobo; ambaye alimupa jina la Israeli.

Yobu 1:1

Kulikuwa mutu mumoja katika inchi ya Usi, aliyeitwa Yobu. Mutu yule alikuwa mukamilifu, wa usawa, mwenye kumwogopa Mungu na mwenye kuepukana na uovu.

Yobu 12:4

Nilikuwa mutu wa kumwomba Mungu na kupata jibu lake. Sasa, watu wananichekelea. Wanachekelea mutu mukamilifu, mwenye haki.

Yobu 28:28

Kisha Mungu akamwambia mwanadamu: Sikia! Kumwogopa Bwana ndiyo hekima, na kujitenga na uovu ndiyo maarifa.

Zaburi 112:1

Haleluia! Heri mutu anayemuheshimu Yawe, anayefurahia sana kushika amri zake.

Zaburi 25:21

Ukamilifu na usawa vinanikinga, maana ninakutumainia wewe.

Mezali 11:12

Anayemuzarau jirani yake hana akili; mutu mwenye ufahamu anakaa kimya.

Mezali 16:17

Njia ya watu wa usawa ni kujiepusha na uovu; anayechunga njia yake anachunga maisha yake.

Mezali 16:6

Kwa wema na uaminifu mutu anaondoa uovu. Kwa kumwogopa Yawe anaepuka ubaya.

Mezali 19:1

Afazali masikini mwenye mwenendo mukamilifu kuliko mutu mupotovu wa maneno na mupumbafu.

Mezali 2:15

watu ambao mienendo yao imepotoka, nazo njia zao haziaminiki.

Mezali 28:6

Afazali masikini mwenye mwenendo mukamilifu, kuliko tajiri anayeishi kwa upotovu.

Muhubiri 12:13

Nyuma ya hayo yote yaliyokwisha kusemwa, kungali hili linalotakiwa: Umwogope Mungu, na ushike amri zake, kwa sababu hayo ndiyo mapaswa ya mwanadamu.

Luka 10:16

Yesu akaongeza kuwaambia wanafunzi wake: “Yule anayewasikiliza ninyi, ananisikiliza mimi; yule asiyewapokea ninyi, hanipokei mimi, na yule asiyenipokea mimi, hamupokei yule aliyenituma.”

Luka 16:14

Wakati Wafarisayo waliposikia maneno haya yote wakamuzarau Yesu, kwa sababu walikuwa wapenda feza.

Matendo ya Mitume 10:22

Nao wakamujibu: “Tumetumwa hapa na Kornelio, mukubwa wa waaskari. Yeye ni mutu wa haki na mwenye kumutii Mungu, naye anasifiwa na Wayuda wote. Malaika mutakatifu amemutokea na kumwagiza akuite ufike kwake kusudi asikie maneno utakayomwambia.”

Matendo ya Mitume 10:35

lakini katika kila taifa mutu yeyote anayemutii Mungu na kutenda yanayokuwa ya haki, anamupendeza.

Matendo ya Mitume 9:31

Wakati ule, kanisa lilikuwa na amani katika Yudea yote, Galilaya na Samaria. Vilevile lilizidi kupata nguvu na kuendelea kumwogopa Bwana, nalo liliongezeka kwa musaada wa Roho Mutakatifu.