Matayo 7:7 - BIBLIA Maandiko Matakatifu Kwa Watu Wote 2002

⁷ “Muombe, nanyi mutapewa; mutafute, nanyi mutapata; mupige hodi, nanyi mutafunguliwa mulango.

Matayo 7:7 ပူးပေါင်းရင်းမြစ်များ

Mwanzo 26:32

Siku ileile watumishi wa Isaka walimufikia na kumupasha habari za kile kisima walichokuwa wamechimba, wakasema: “Tumepata maji!”

1 Wafalme 3:5

Kule Gibeoni, Yawe alimutokea Solomono katika ndoto usiku, akamwambia: “Omba kitu chochote unachotaka nami nitakupa.”

Zaburi 10:17

Ee Yawe, unapokea maombi ya muzaifu; unamutia moyo na kumutegea sikio.

Zaburi 10:4

Katika majivuno yake anasema: “Mungu hatagundua. Hakuna Mungu.” Hayo ndiyo mawazo yake yote.

Zaburi 119:12

Utukuzwe, ee Yawe! Unifundishe masharti yako.

Zaburi 27:8

Moyo wangu unaniambia: “Kuja umutafute Mungu!” Basi, ninakutafuta, ee Yawe.

Zaburi 34:4

Mumutukuze Yawe pamoja nami, wote pamoja tulisifu jina lake.

Zaburi 37:4

Uitafute furaha yako kwa Yawe, naye atakujalia unayotamani katika moyo.

Zaburi 50:15

Uniite wakati wa taabu, nami nitakuokoa, nawe utanitukuza.”

Zaburi 69:32

Jambo hili litamupendeza Yawe zaidi, kuliko kumutolea sadaka ya ngombe, kuliko kumutolea ngombe dume muzima.

Zaburi 70:4

Wapumbazike kwa haya, hao wanaofurahia kunizomea!

Zaburi 86:5

Ee Bwana, wewe ni muzuri na mwenye kusamehe, mwingi wa wema kwa wote wanaokuomba.

Mezali 8:17

Ninawapenda wale wanaonipenda; wanaonitafuta kwa bidii wananipata.

Wimbo wa Solomono 3:2

Nikaamuka, nikazunguka katika muji, katika barabara na nafasi za makutano, nikimutafuta yule wangu wa moyo. Nilimutafuta, lakini sikumupata.

Isaya 30:19

Enyi watu wa Sayuni, enyi watu wa Yerusalema, hakika ninyi hamutaomboleza tena. Kweli Mungu atawahurumia; mara tu atakaposikia kilio chenu atawaitikia.

Yeremia 33:3

Uniite, nami nitakujibu na kukuambia mambo makubwa yaliyofichwa ambayo haujapata kuyajua.

Amosi 5:4

Yawe anawaambia Waisraeli hivi: Munitafute mimi nanyi mutaishi!

Matayo 18:19

“Kweli ninawaambia tena: wawili kati yenu hapa katika dunia wakipatana kwa kuomba juu ya kitu chochote, Baba yangu anayekuwa mbinguni atawapa kitu kile.

Matayo 21:22

Na kitu chochote mutakachoomba, mukiamini, mutakipata.”

Matayo 6:33

Lakini ninyi mushugulikie kwanza Ufalme wa Mungu na kufuata haki mbele yake, naye atawaongezea vitu vile vyote.

Matayo 7:11

Basi ikiwa ninyi munaokuwa waovu munajua kuwapa watoto wenu vitu vizuri, zaidi sana Baba yenu anayekuwa mbinguni atawapa wale wanaomwomba vitu vizuri zaidi.

Matayo 7:8

Kwa maana kila mutu anayeomba, anapewa; naye anayetafuta, anapata, naye anayepiga hodi, anafunguliwa.

Marko 11:24

Ni kwa hiyo ninawaambia kwamba munapoomba kwa ajili ya hitaji la kitu fulani, mwamini kama mumekwisha kukipokea, na kwa njia hiyo mutakipewa.

Luka 13:25

“Mwenye nyumba atakapokwisha kusimama na kufunga mulango, ninyi mutabaki inje na kuanza kupiga hodi na kusema: ‘Bwana, utufungulie.’ Naye atawajibu: ‘Sijui munatokea wapi.’

Luka 18:1

Halafu Yesu akawaambia wanafunzi wake mufano huu kwa kuwaonyesha kwamba wanapaswa kuomba siku zote pasipo kuchoka.

Yoane 15:16

Ninyi hamukunichagua mimi, lakini ni mimi niliyewachagua ninyi. Nami nimewatuma muende kuzaa matunda yasiyokuwa na mwisho. Kwa hiyo Baba atawapa chochote munachoomba kwa jina langu.

Yoane 15:7

Kama mukikaa ndani yangu na maneno yangu yanakaa ndani yenu, mutaomba chochote munachotaka, nanyi mutakipewa.

Yoane 4:10

Yesu akamujibu: “Kama ungejua kitu Mungu anachoweza kukupatia, na ni nani anayekuomba maji ya kunywa, wewe ndiwe ungemwomba, naye angekupa maji ya uzima.”

Waroma 2:7

Wale wanaofanya matendo mema bila kuchoka na kutafuta toka kwa Mungu utukufu, heshima na uzima usiokuwa na mwisho, Mungu atawapa uzima wa milele.

Waroma 3:11

Hakuna mutu mwenye ufahamu, hakuna mwenye kushugulika na Mungu.

Waebrania 11:6

Basi pasipo imani, hakuna mutu anayeweza kumupendeza Mungu. Kwa maana mutu anayetaka kumwendea Mungu sherti aamini kwamba Mungu yuko, na kwamba anawapa zawadi wale wanaomutafuta.

Yakobo 5:15

Nao wakiomba kwa imani, mugonjwa yule atapona, kwa kuwa Bwana atamurudishia afya yake. Na ikiwa amefanya zambi, atasamehewa.

1 Yoane 3:22

Nasi tunapokea jambo lolote tunaloomba kwake, kwa sababu tunatii amri zake na kutenda mambo yanayomupendeza.