Isaya 13:17 - BIBLIA Maandiko Matakatifu Kwa Watu Wote 2002

¹⁷ Ninawachochea Wamedi juu yao; watu ambao hawajali feza wala hawavutwi na zahabu.

Isaya 13:17 ပူးပေါင်းရင်းမြစ်များ

2 Wafalme 17:6

Katika mwaka wa tisa wa utawala wa Hoshea, mufalme wa Asuria aliuteka muji wa Samaria na kuwapeleka watu wa Israeli katika uhamisho mpaka Asuria. Wamoja kati yao akawaweka katika muji wa Hala, wengine karibu na muto Habori, muto Gozani na wengine katika miji ya Wamedi.

Isaya 21:2

Nimeonyeshwa maono ya kutisha: wadanganyifu wanadanganya na waangamizaji wanaangamiza. Mupande kwa kupigana vita, enyi Waelamu! Mushambulie, enyi Wamedi! Mungu atakomesha mateso yote yaliyoletwa na Babeli.

Isaya 41:25

Nimetokeza mutu toka kaskazini, naye amekuja; nimemuchagua mutu toka mashariki, naye atalitaja jina langu. Yeye atawakanyaga wafalme kama matope, kama vile mufinyanzi anavyoponda udongo wake.

Yeremia 25:25

wafalme wote wa Simuri, Elamu na Medi;

Yeremia 50:3

Kwa maana, taifa kutoka kaskazini limefika kuushambulia; litaifanya inchi yake kuwa uharibifu. Hakuna atakeyeishi humo; watu na nyama watakimbia mbali.

Yeremia 50:30

Kwa hiyo, vijana wake watauawa katika mabarabara yake, na makundi yake yote ya waaskari yataangamizwa siku hiyo. –Ni ujumbe wa Yawe.

Yeremia 50:42

Wameshika pinde zao na mikuki; ni watu wakali wasiokuwa na huruma. Vishindo vyao ni kama uvumi wa bahari, wamepanda juu ya farasi. Wamejipanga tayari kwa vita na wewe Babeli!

Yeremia 50:9

Maana, mimi nitachochea mataifa makubwa kutoka inchi ya kaskazini washambulie inchi ya Babeli. Watajitayarisha kuishambulia inchi ya Babeli na kuiteka. Mishale yao ni kama shujaa hodari asiyerudi mikono mitupu.

Yeremia 51:11

Yawe amezichochea roho za wafalme wa Wamedi, kwa maana amekusudia kuiangamiza Babeli. Kweli, hicho ndicho kisasi cha Yawe; analipiza kisasi kwa ajili ya hekalu lake. Munoe mishale yenu! Mutwae ngao!

Danieli 5:26

Na hii ndiyo maana yake. MENE: Mungu amehesabu siku za ufalme wako na kuukomesha.