Isaya 1:19 - BIBLIA Maandiko Matakatifu Kwa Watu Wote 2002

¹⁹ Mukiwa tayari kunitii, mutakula mazao mema ya inchi.

Isaya 1:19 ပူးပေါင်းရင်းမြစ်များ

Isaya 25:6

Juu ya mulima Sayuni, Yawe wa majeshi atawafanyia watu wote karamu ya nyama zenye kunona na divai nzuri, nyama tamu zenye mafuta, pamoja na divai safi.

Isaya 3:10

Muwaambie watu wa haki jinsi wanavyokuwa na heri, maana watakula matunda ya matendo yao.

Isaya 58:14

utapata furaha yako kwangu mimi Yawe, nitakupatia ushindi katika kila upinzani katika inchi, nitakulisha mali ya Yakobo, babu yako. Maneno haya yanatoka katika kinywa cha Yawe.

Isaya 65:13

Basi, mimi Yawe ninasema: Watumishi wangu watakula, lakini ninyi mutasikia njaa; watumishi wangu watakunywa, lakini ninyi mutasikia kiu; watumishi wangu watafurahi, lakini ninyi mutafezeheka.

Yeremia 21:8

Nawe Yeremia utawaambia watu hawa kwamba: Yawe anasema hivi: Musikilize! Mimi ninaweka mbele yenu njia ya uzima na njia ya kifo.

Yeremia 7:3

Yawe wa majeshi, Mungu wa Israeli, anasema hivi: Mugeuze mwenendo wenu na matendo yenu, nami nitawaacha muendelee kukaa pahali hapa.

Yeremia 7:5

Lakini mugeuze mwenendo wenu na matendo yenu. Mufuate sheria yangu kati yenu.

Yeremia 7:7

Mukifanya hivyo, mimi nitawaacha mukae siku zote pahali hapa, katika inchi niliyowapa babu wenu tangu zamani.

Yoeli 2:26

Mutapata chakula kingi na kutosheka; mutalisifu jina la Yawe, Mungu wenu, aliyewatendea mambo ya ajabu. Watu wangu, hawatazarauliwa tena hata kidogo.

Walawi 25:19

Inchi itatoa mazao yake nanyi mutakula na kushiba na kuishi mule kwa usalama.

Walawi 26:3

Kama mukifuata masharti yangu na kushika amri zangu,

Walawi 26:5

Kupepeta ngano kutaendelea mpaka wakati wa kuvuna zabibu, na mavuno ya zabibu mpaka wakati wa kupanda mbegu. Mutakuwa na chakula tele na kuishi kwa usalama katika inchi yenu.

Hagai 1:12

Halafu Zerubabeli mwana wa Saltieli, na Kuhani Mukubwa Yoshua mwana wa Yosadaki, pamoja na watu wote waliokuwa wamerudi kutoka katika uhamisho wakafanya kama vile Yawe, Mungu wao alivyowaambia na kama vile walivyoambiwa na Hagai, yule nabii aliyetumwa na Yawe, Mungu wao. Watu wakamuheshimia Yawe.

Kumbukumbu la Sheria 28:1

“Kama mukiitii sauti ya Yawe, Mungu wenu, na kushika kwa uangalifu amri ambazo ninawaamuru leo, yeye atawaweka juu ya mataifa yote katika dunia.

Waebrania 5:9

Na alipokwisha kufanywa kuwa mukamilifu, akawaongoza watu wote wanaomutii wapate kuokolewa kwa milele.