2 Samweli 17:23 - BIBLIA Maandiko Matakatifu Kwa Watu Wote 2002

²³ Ahitofeli alipoona kwamba shauri lake halikufuatwa, alitandika punda wake, akaenda kwake, kwenye muji wake. Alipofika kule, alipanga vizuri mambo ya nyumba yake, akajitundika. Akakufa na kuzikwa kwenye kaburi la baba yake.

2 Samweli 17:23 ပူးပေါင်းရင်းမြစ်များ

2 Samweli 15:12

Wakati Abusaloma alipokuwa akitoa sadaka, alituma ujumbe katika muji wa Gilo kwa kumwita Ahitofeli wa muji wa Gilo, aliyekuwa mushauri wa mufalme Daudi. Uasi wa Abusaloma ukazidi kupata nguvu na watu waliojiunga naye wakazidi kuongezeka.

2 Samweli 15:31

Wakati ule, Daudi aliambiwa kwamba hata Ahitofeli alikuwa mumoja wa waasi waliojiunga na Abusaloma. Lakini Daudi akaomba akisema: “Ee Yawe, ninakuomba uyafanye mashauri ya Ahitofeli yasifanikiwe.”

2 Samweli 16:23

Siku hizo, shauri lolote Ahitofeli alilotoa lilikuwa kama limetolewa na Mungu. Na shauri la Ahitofeli liliheshimiwa na Daudi na Abusaloma.

2 Samweli 17:22

Kwa hiyo, Daudi akaondoka na watu wote waliokuwa pamoja naye, wakavuka muto Yordani. Ilipofika asubui hakuna mutu aliyebaki nyuma bila kuvuka muto Yordani.

1 Wafalme 16:18

Simuri alipoona kwamba muji umekamatwa, akaingia katika munara, ndani ya nyumba ya kifalme, akaichoma kwa moto, naye akakufia mule.

2 Wafalme 20:1

Wakati ule, Hezekia aligonjwa sana karibu kufa. Halafu nabii Isaya, mwana wa Amozi akamwendea, akamwambia: “Yawe amesema hivi: ‘Panga mambo yako sawasawa katika nyumba yako kwa sababu utakufa, hautapona.’ ”

Yobu 31:3

Hasara haipati watu waovu na maangamizi wale wanaotenda mabaya?

Zaburi 109:20

Yawe awalipe hayo hao watu wanaonishitaki, hao wanaosema mabaya juu yangu.

Zaburi 5:10

Ndani ya vinywa vyao hamuna ukweli wowote; mioyo yao imejaa maangamizi, koo zao ni kama kaburi wazi, ndimi zao zimejaa udanganyifu.

Zaburi 55:23

Utue muzigo wako kwa Yawe, naye atakusaidia; hamwachilii mutu wa haki ashindwe.

Mezali 16:18

Kiburi kinatangulia maangamizi; majivuno yanatangulia maanguko.

Mezali 19:3

Mutu akijiangamiza kwa upumbafu wake, anaielekeza hasira yake kwa Yawe.

Isaya 38:1

Wakati ule, Hezekia aligonjwa sana karibu kufa. Halafu nabii Isaya mwana wa Amozi akamwendea, akamwambia: Yawe anasema hivi: Panga mambo yako sawasawa katika nyumba yako kwa sababu utakufa, hautapona.

Matayo 27:5

Yuda akatupa vile vikoroti ndani ya hekalu, naye akaondoka na kwenda kujitundika.