YUHANI 8:2 - Ha`bari Ndjema ya I Maore

² Ata asuɓuhi ya handra, andre raha moni na iNyumba Ndzitwaharifu|Nyumba Ndzitwaharifu, na piya idunia imujilia. Ɓas aketsi, akowasomedza.

YUHANI 8:2 ပူးပေါင်းရင်းမြစ်များ

MATIYO 26:55

Sa ile Insa aambia dunia ile: «Muja muniziye ha ngupanga na mipweke, mauri wami mutru wa hatwari. Kula suku nakoketsi moni na iNyumba Ndzitwaharifu, nakosomedza, wala kamwanizia.

LUKASI 21:37

Mutsana, Insa akosomedza moni na iNyumba Ndzitwaharifu, amwesa akwendra av̄itse uuku hari mwa umulima uhiriwao Mulima wa Mizaituni.

LUKASI 21:38

Na asuɓuhi piya uwatru wakomujilia moni mwa iNyumba Ndzitwaharifu, ile wamuvulishiye.

LUKASI 4:20

Ɓaanda ya zile aɓala ishio, airegeza ha umutoa-shio aka v̄ale, amwesa aketsi. Na piya matso yaka moni na iNyumba ya Uswali ile yakomuangalia.

LUKASI 5:3

Sa ile ahea hari mwa moja yaka ɗe ya Simoni, amuambia atsengeleye mwanapav̄i ha uɓaushia ishiv̄andre ya tsi, amwesa aketsi, na rangu lakani v̄ale ɗe akosomedza idunia.

YUHANI 4:34

Insa awaambia: «Shahula yangu ɗe wami ufanya yamav̄endzeleo ya Uwo aniv̄eleha, na utsimidza urumwa wahe.

YUHANI 8:20

Insa arongoa marongozi yale wakati akosomedza moni na iNyumba Ndzitwaharifu, v̄ahanu v̄waka iɓweta ya zaka. Na kav̄waka ata mutru amuzia, mana wakati wahe raha kawaka wapara.

YUHANI 8:3

Wakati ule Mafundi ya Sharia na watru wa ishama ya Mafarisayo wav̄ingi mutrumushe asikwa na uzindzi. Wamuv̄ingi hari-hari na idunia yaka v̄ale,

MAV̄INGIZI-RISALA 5:21

Ɓaanda wakia trongo zile, asuɓuhi ya handra wangia moni na iNyumba Ndzitwaharifu|Nyumba Ndzitwaharifu, wakosomedza. Ɓas, uMuɓole wa yaMatolezi-Masadaka na wale waka v̄umoja na waye uja yawo, wahiri uMungulidzano wa Waɓole na piya uwatru waɓole wa Israila, amwesa wav̄eleha watru wandre warenge Mav̄ingizi-Risala yale shiv̄ani.